زوجي تعبني ياعالم ساعدوني

بنآت بسالكم بالله آللي زوجهآ مثل كذآ شنو بتتصرف ويآه..
كل ماعصب علينا راح وفصل التكيف من البيت كله ولا اعرف ارده
نجلس آنا وعيالي بالحر ولا علي المروحه الين نشفت حلوقنا
وغير كذا البيت مايكمل طلباته كل م سجلت طلبات البيت
يجيب اللي يجوز له والباقي يطنشه اهم شي يجيب
اللي هو يبيه..
وذا جااءء ينام باليل يروح يصكر التي في ويخذ الريموت كنترول مال التي في مايتبطل الا به
نجلس انا وعيالي بطفش وقلت راحه مايعلم بها الا ربي..
وجاراتي حارمني منهم يعزموني عصريات او عشوات
اعتذر منهم يتشرهون علي اني ماواصلهم وربي حتي هم ماعاد يدخلون بيتي
لاني مازورهم والسبه هوو
وربي مافيهم شي كل وحده افضل من الثانيه بس مايبيني اختلط بالناس
واهلي بالشهر مره ازورهم ومايرضي ابات عندهم الا بعد كلافه وقله ادب..
عيالي عتقت ملابسهم كل مره اطلبه عيالي ماعاد عندهم ثياب مثل الناس وهو يقولي احتري العيد
واذا جاءء العيد يودينا علي العشره الاوخر
وكلكم تعرفون اسعارهم غاليه بالعشره الاوخر يقوم
يقولي خذي لبسه لكل واحد وبجامه بعد العيد انزلكم تكون رخيصه
ورب الكعبه للحين مانزنا كل ماجبت له طاري يتحجج ماعنده فلوس بس وربي عنده بس مادري شسالفته
والزعل اه يالزعل كل مااايبيني يطنقر من غير سبب يجلس اسبوع عر ايام ثم تزين حالته
وانا خبله بس ارضيه وهو يتصدد عني
وربي يابنات ماني مقصره معه ب شي كل اللي يبيه يلاقيه زاهب بس مايبين بعينه هالادمي حرق دمي
آنا من اشوفه كذا ابداا مااجلس معه الوجبات افرد سفرتي وارتب الاغراض عليها واقعد عيالي وهو يجي ياكل معهم انا ماكل معه والعصريه ازهب قهوته واحطها عنده وامشي ولا اجلس عنده لانه مايهمه زعل اهم شي يريح راسه وربي يابنات كل وحاماتي اتوحم مابيه يقربني بس والله شاهد علي اضغط علي روحي علشان مايروح للحرام لانه اول حمل لي ماقدرت اضغط علي نفسي كنت ابعد وابكي وهو يحلف بربي يقولي بنات الحرام مليانين بكل مكان وانا مو ناقصني شي وكلها بذمتج وربي من بعدها اضغط علي نفسي اخاف يجبلي امراض انا بغنى عنها وربي ابكي محروقه والحين قمت ادعي عليه لانه عارف حالتي يوم اكون حامل ابيه يزين اموره معي بس ماش اصمخ مايهمه شي ..
نفسيات عيالي تعبت من مشكلناا كل فتره وفتره زعل وقلت ادب
اخرتها بنتي تقولي ياامي دمرتوا حياتي ماحب اشوفكم متزاعلين وربي ابكي من كلامها وافهمها مو مزاعلين بس مافي كلام بينا بس بنتي واولادي يفهمون مهما كانوا صغار يفهمون..
المصيبه يقول ل بنتي لاتسمعين كلام امك؟؟؟؟
وربي تربيتهم ونظافتهم واكلهم ودراستهم ونومتهم كلها علي وهو شايل يده منهم يلعب معه ساعه ويطفش يلبس ثوبه ويطلع من البيت وهو قايل لي عيالج ماينعطون وجه طالعي عيال اخواني من يلعبون معهم يقولون انتهي خلاص يوقفون مو عيالج مايفهمون اقوله طيب اذا انت ماتحملتهم مين يتحملهم؟؟؟
عيالك يبون يلعبون معك يقولي اللعب له وقت مو من العب معهم مايبوني اروح عنهم
بربكم بنات عدوا هالمشكله لكم كيف بتتصرفون معها وربي تعبت من حياتي معه اتحمل كل شي بحياتي جووع اتحمل ماهمني بس مااتحمل الحر انا صدري تعبان والوقت حر وهو يمشي ويفصل التكيف وربي ماعاد افكر ب شي عقلي تششتت دلوني علي شي اسويه اعلمه انه هو غلطاااااااااااان لاني وربي ماعاد اتحمل غير كذا حملي متعبني وكارهه نفسي وادف نفسي دف مابيه يمسك علي شي مو زين وربي حتي نومتي غفوات مااتهني بالنومه بس افكر بعيالي الا نفسياتهم تعبت وهو شايف ولاهامه
معليش طولت عليكم بس حبيت افضفض لكم لاني مااقدر اكلم احد
تكفون فكره الطلاق شيلوها من روسكم مابي اشتت عيالي بين وبين ابيهم بينننا..