زوجي تغير علي

السلام عليكم ...


كيفكم خواتي ...

انا لي فتره اعاني من زوجي الغالي ..
متغير 360 درجة ..قبل كان يرجع من الاستراحة بدري علشان يقعد ويسولف معي ..وماينام الا وانا عنده حتى لو مابي نوم لازم اقعد عنده لحد لما ينام ..

لكن اللحين مايرجع الا الساعة 1.5 _12.5 وليته على كذا بس لا يجي ويقول فيني نوم بروح انام وينام ويخليني ..

المهم اني صرت احسه بارد مو زي قبل بس يتغزل فيني واذا لبست وتعدلت يقعد يمدح لين الصبح اللحين لا عااااااااااااااادي ..

ولي فتره اقول امش طلعني طفشت من القعدة بالبيت ومطنش ..انا بصراحه زاد حبي له صرت احبه حيييييييييييييييييييل واهتم فيه حييييييييييييييييييل احس اني صرت لزقه كل شوي ادق عليه تعشيت ؟؟اسوي لك عشاء ؟؟ بصراحه ادق ابي اسمع صوته وهو ولاهو هينا ..

بنات انا من منطقه غير منطقة زوجي ولي 2ونص متزوجه وكان يموت على كلامي ودلعي ببعض الكلمات واللحين على الحرف يتريق علي وعلى كلامي ..

انا كم مره تكلمت معه وقلت انت متغير يقول لا عادي طبيعي يصير كذا خلاص تعودت عليك عرفت شلون تفكرين شلون تعيشين يعني مو زي اول العرس ابي اعرف عنك كل شي وش تحبين وش تكرهين ...

بنات انا صاكه فيني الدنيا صرت اكره نفسي واحس اني حبيته اكثر من روحي واهتميت فيه اكثر من اهتمامي بنفسي شككت بجمالي وبذوقي ..بس الحمد لله الناس يستيشروني بلبسهم وبشكلهم والكلام اللي اسمعه من الناس يرجع ثقتي بنفسي ..

البلشه انو كان يموت على التراب اللي امشي عليه واللحين مشاعره بارده او خلينا نقول فاتره

قولوا لي شسوي شلون اغير تعاملي معه واخليه يرجع زي قبل .



تكفووووووووووون ساعدوني نفسيتي زفت