زوجي تغير علي بعد الولاده مدري وش السبب

السلام عليكم
أنا بدخل بالموضوع على طول أنا توني والده من ثلاث أسابيع بعمليه والحين عندي بنوتين وهو فرحان بالبنوته مره لان من زمان نتظر طفل وانا ولدت بمستشفى خاص وزوجي كان معي بكل شي شاف كيف تعسرت ولادتي وحولوني عمليه بسرعه وهو تأثر حيل لوضعي ووقف معي بالمستشفى وساعدني ومافارقني وانا كنت حيل تعبانه حتى ما أقدر أقوم من سريري ولا أمشي تعرفوا كيف العمليه وتعبها
المشكله الحين أنه من بعد هذا كله زوجي تغير مره أنا بعدي نفاس عند أهلي وهو يجيني بالاسبوع مره بسبب عمله في منطقه ثانيه لما أكلمه يقولي مشتاق لكم ومدري ايش بس لما يجي يتغير كل شي يجلس بعيد عني ولا يلمسني ولاشي حتى لما يسلم علي عادي حيل ويدور أي شي عشان يقوم من يمي ولمايجي بس يسأل عن البنات وياخذهم وأنا حتى مايسألني تحسنتي أو لا لما كنت والد في بنتي الأولى كان عادي حيل ماتغير علي مثل الحين بلعكس كان يصر علي ارجع الشقه ويحسب الأيام عشان ارجع والحين لا بصراحه وضعه مخوفني مع اني واثقه فيه وما أتوقع يسوي شي والبارح صارحته وقلت له شفيك وكذا وقال منك لأني شفته قبل ما أولد بكم يوم فاتح صور خالعه في النت واجهته وهو يقولي من هالموضوع متغيراني قمت اصده اول ماصار هالشي ويقولي لك الحق واها قلت له يمكن لانك شفتي بوضع موسف بعد الولاده وكيف كنت أتألم كرهتني وهو يقولي لا وانااحس اسلوبه جارحني بصراحه احس محتاجه عطفه وحنانه وهو ولاهامه احس بموت من شوقي له بس أمسك نفسي واثقل لاني ما احب اقط نفسي مهما كان مدري يمكن أنا مكبره الموضوع وعذروني على أسلوبي الملخبط وقولوا لي هل أنا صح أو خطأ بانتظاركم