زوجي تغير كثير

السلام عليكم ورحمة الله وبركاته..
بنات بدخل بالموضوع انا كنت قلت قبل كذا بموضوع أن زوجي تزوج علي والله تعبت يا بنات صح أمورنا تحسنت وانا دايم اكون إيجابية في كثير مواقف بس طفح الكيل قبل والله يا بنات ما كان هيك مصروف البيت ما ينقص منه شي وهذا انا ما اتصرف بيه هو يجيب للبيت بس بعد ما تزوج انا سكنت قريب من اهلي بس لما يكون معي مصروف ناقص مررة واطالبه بأشياء للبيت للمطبخ والاكل والله يراوغ ويكتفي بان شاء الله انا اقوله لا تنقص من مصروف البيت بس يقولي ما عندي بس انا زوجي وعشرة عمر اعرف مدخوله بس هو صار بخيل مررة والكارثة يسافر للبيت الثاني وما يترك شي بالبيت ويقولي ماعندي الحين دبري وانا بدبر الأمور من هناك أو بعض الأحيان يخلي ثمن قليل يروح بس بحاجيات الفطور والولد وإذا جا يحاسبني عليهم وانا اذا خلاص مالقيت شي أكله اشوف امي تسعفني الله لا يحرمني منها بس هو إذا جا واقوله هات ارد فلوس امي يقول من قالك خذي منها رديهم انتي طيب وين القا انا ولا يقول انتي بس تقابلين امك طيب هي الي تسعفني يوم ما القا شي وعاد كل وقتي عندها بس بليل ارجع بيتي استحي منها من كثر ما اكل عندها بالبيت احس ان هالشي يسويه عمدا فيني لأن رفضت ارجع بيتي السابق الي موجودة فيه الزوجة الثانية وهو اصلا بعض الأحيان يقول روحي لأمك كلي مو انتي تبين تسكنين قريب من امك ابي اعرف يا بنات شلون اخد مصروفي بدون ما يذلني والله كل مشاكلي اتغاضى عنها واتعامل معاها عشان ما اخرب بيتي بس لما اوصل للفلوس أعجز لأن ماعندي شلون أدبر نفسي وهو بس يسمع حس لفلوس ينقلب 180% درجة لو ما قلت الفلوس هو معي عسل إذا قلت فلوس يقول انتي مسرفة وانا ما اجيب شي الا شنو اكل لا ويزيد يقولي اسمني تراك عصقولة عصى يخرب عقلك << دخلت جو ههههه امزح بنات شلون اخليه يعطيني بدون هالمشاكا