زوجي تغير كثير قاهرني مو عارفه اتكلم معاه؟

السلام عليكم يابنات حواء

اول مره اكتب في هذا القسم
زوجي يابنات في بداياتنا كان تمام وحبني وحبيته من كل قلبي
لحد ماجبت بنتي الله يحفظا شوي شوي تغير احيانا يكون تمام التمام
بس بمجرد ما اطلب منه يوديني سوق او يودي البنت الدكتوره يطفش
مثلا بنتي احس في رجليها شويه اعوجاج وكتبت في المنتدى ونصحتني الدكتوره اوديها دكتور عظام حالا ..
وكنا مسافرين عند اهلي وكنت ناويه اول ما ارجع اوديها للدكتوره لكن البنت تعبت وزكمت وصار عندها التهاب في الحلق ووديتها دكتوره اطفال وفي نفس الوقت قلت لها عن الاعوجاج الي برجولها قالت هذا موضوع سابق لاوانه مانتكلم فيه الا اذا مشت البنت ..طبعا ماكشفت على رجولها لهذا السبب..
واخذنا علاج الاتهاب ورجعنا وبعد تقريبا 3 ايام قلت له بوديها دتور عظام..هب فيني وقال البنت مافيها شي انتي اذا رحتي لاهلك وقالولك شي جيتي تنفذينه على طول وتزعجيني فيه
صار كل ما افتح معاه موضوع يقولي من الي قايله لك؟؟انتي بس تسمعين كلام الناس!
واذا قلت بروح السوق يزهق ويطفش ويقول يالله بسرعه اخذي الي تبينه وخلينا نمشي!!
واذا قلت فيه بلايز جديده نازله ابي اروح اشوفها قال كل ماتشوفين على احد شي تبين تقلدينه!!
_يابنات انا تحملت كثير في بدايه حياتي بسب ضروف عمله ودراسته لانه مره ماكان فاضي ولحد الان مو فاضي بس اول كنت اذا طلبت منه اي شي يقولي ان شاء الله بس في يوم اجازتي وفعلا في يوم اجازته نروح واشتري الي ابيه
لكن الحين لا دايما يقول ماني فاضي
انا للحين قاعده اتحمل ظروفه واضغط على نفسي حتى المصاريف اقتصد فيها وختى طلبت منه شغاله وكان رافض من يوم حملت والحين بعد ماكبرت يالله وافق واعطيته فلوس التقديم من عندي عشان وضعه المادي ضعيف هالفتره..
يعني انا ماقصرت في شي والله العظيم اني من اول ما اقوم الصبح لحد ما انام ما اجلس فاضيه طول اليوم اغسل اكوي ارضع البنت اروشها اغيرلها اطبخ اكنس ارتب
مت من التعب هلكت وزني نزل مررررررررررره وانا نحيفه من الاول اصلا اهملت في نفسي وفي لبسي وفي كل شي يخصني عشانه وعشان بيته وبنته
والحين جنني باسلوبه
مو قادره اطلب منه اي شي او اناقشه لانه بيحرق دمي برده وبينام عادي وبيروح عمله الصبح وبيجي الظهر يكلمني ولا كان شيء صار
وش اسوي كيف اتصرف كيف يابنات داخله على الله ثم عليكم تشورون علي كل ليله ابكي من كلامه وهو نايم جنبي مو داري بشيء..
والحين قبل ما اكتب لكم هالكلام صار نفس الشيء وهذا هو نايم وبنتي نايمه وانا قاعده اكتب لكم.......
:(