لا حبيبت هذا التصرف خلط انتي اللحين لسه في بداية حياتك لا تتبعين هذا الاسلوب في الزعل لانه اللحين يحس نوعا ما فيك ويحاول انه يلطف الجو بينك وبينه بس مع الوقت بيتعود سواء رديتي ولا لا زعلتي ولا لا معليش اول كم ساعة كتمي عشان يحس انك زعلانه بس اذا حاول يلطف الجو لا تطنشينه لانه موكل رجال يجي يعتذر من زوجته ويقولها اش في خاطرك عليا انتي افهمي زوجك واقلمي نفسك على حاله عشان ما تتعبين انا وحده من اخواتي غذا زعلها زوجها مستحيل يجي ويقولها معليش انا اخطيت في حقك على طول تلقينه يستخف دمه شوي ويتريق شوي ويعلق عليه وعلى لبسها احلى ياولد يادبه ياحلو يا ابو ...... انا يليمعطينا طناش ومسوي في زعلان حرقشه يعني وبعدين لمن يتناقشون يقولها خلاص يام فلان لا تزعلين ولك من يرضيكي احيانا كانت تعصب وتقول وليش من البدايه ما يعترف انه هو الغلطان بس بعدين تعودت على الوضع
انا بنسبه لي اطنش كم ساعه ما اتكلم وإذا سالني عن شي ارد على قدر السؤال وإذا قال تبغون شي انا خارج اقول لا شكرا عاد هو يعرف اني زعلانه لاني دايما اقوله لا الله يسلمك لا الله يعطيك العافيه كل شي موجود بس عاد إذا قلت شكرا قال افا الحلو زعلان وهذا شي عودته عليمن اول ما تزوجنا ... وبعدين اذا طلع ورجع ولا مر على الزعل كم ساعة وجا يكلمني ارد عليه واسولف معه بعدين اكشر تكشير حلوة زي الاطفال ( اتبزرن عليه ) وحدة مصدقة نفسها واقوله بعدين لو سمحت لا تكلمني انا زعلانه منك عاد هو ينبسط من هاذي الحركة وتلقينه طول النهار وهو على هذه الحاله كل شوي ينكشني على شان اسويله هذي الحركه والحمد لله مع هذا الاسلوب زعلنا ينتهي في نفس اليوم ومايطول إللا في النادر الحمد لله لي 8 سنوات على هذا الاسلوب مااتذكر اني جلست وقت طويل متخاصمه معاه
وتعودي معه على الصراحه من اللحين عشان ما تتعبين يعني انت زعلتي من كذا تعالي وقوليله باسلوب حلو وهادي انا زعلانه من كذا وكذا يرضيك انك تزعل حبيبتك ودلوعتك ومن هالكلام الحلو وطبعا لا تنسين الجو لازم يكون مناسب كوب عصير مع لبس حلو وريحه حلوه وانت عارفه حركات الحريم
وبعدين انك تعطينه حقه الشرعي من غير نفس هذا غلط وراح انتي بعدين تتعبين من كذا يبدا يتعود على الوضع هذا لا لازم تحسيسينه انك بكل جوارحك وجسمك وقلبك معاه صدق مو تمثيل لان الرجل يحس اذا الشي صدق ولا تمثيل بكذا هو بيتعود على هذا الطبع وماراح تفرق معه سواء منت زعلانه او راضيه في كلا الحالتين هو مبسوط ومستمتع لانه مافي فرق في حاله الرضا او الزعل غير من اسلوبك حبيبتي وطريقتك وشوفي كيف بيتغير هم معك
واحذري من كثر التطنيش لانه في هذه الحاله راح يحس انك ماتحترمينه صح تحبينه بس ما تتحترمينه والاحترام في نظر الرجال اهم من الحب هاذي كلمه قالها لي اخوي الكبير قبل اتزوج قالي الحي مع الايام ممكن يخف ويقوى لكن الاحترام بين الزوجين اهم من الحب
لان المر إللي تحب زوجها بس ممكن مع الوقت انها تغلط عليه وتتمادى في الغلط لانها تحس انه راح يسامحا عشانه يحبها وممكن تخرب بيتها وهي ما تدري
اما المر إللي تحترم زوجها وتحبه لايمكن انه تغلط على زوجها حتى لو عاشو مع بعض 50 سنه لانها موممكن انها تحطه في موقف محرج او تقوله كلمه موزينه في حقة او تطنشه بالايام زي ما بعض الحريم يسوون
شوفي انتي تقدرين تطنشين ابوك او امك لمن يكلمونك طبعا لا لانك تحبينهم وتحترمينهم ....... الخ
انصحك غيري من اسلوبك حتى تعيشي حياة سعيدة على طول
والله يسخر للك زوجك ويزرع حبك وغلاك في قلبه وما يشوف غيرك في الدنيا اللهم آمين

حبيتي لاترخي الحبل ولا تشديه

خليك بالنصف..اذا مالقى منك تجاوب راح يطفش وبكذا راح يبطل

حبيبتي العناد والثقل ما ينفع ..
انا مثلك لي سنه متزوجه .. بس انا ماخلي يمر يوم الا ماتكلم بصراحه وشو الشي اللي يعجبني وشو اللي مايعجبني .. ولو ما يسمح الوقت بنفس اليوم اجيه ثاني يوم ..
اهم شي انه ماخلي بقلبي شي علي .. مهما كان هذا زوجي ..
صارحيه اجلسي معاه قوليله وين حبك وحرصك .. انا كنت دايما اردد مقوله له .. وهو حيل معجب فيها ..
انه الحب مثل الورده اذا ماعتنيت فيها ورويتها واهتميت فيها مع الايام تذبل وتموت ..
الله يوفقك ويسعدك يارب..

لازلنا ننتظر الرومنسيه من رجالنا

الله يهدينا واياهم