زوجي تغير والله ميته قهر

هلا فيكم خواتي مشكلتي زوجي كان كريم معي مره وله تقريبن حوالي السنه متغير وكل شي فيه تغير ولا يعطيني زي أولا والله مقهوه و هلحين تونا في أول الشهر ويقول ترا مامعنا فلوس وقلت له وين راتبك يروح وراتبه سبع ألاف وهو مدرس وبعد الشهر هذا فيه زياده للمدرسين بس ماني عارفه كم هي الزياده ياليت ألي تعرف كم تقولي والحين له أربع أو خمس سنوات متعين كم يصير وحده تقول سبعه وهو ساكت بس يقولي فلوسي وانا حر فيهم وقلت له طيب وين تروح بسرعه تخلص يقول الأيجار والكهرب وجوالي والسياره وأيجار بيتنا ثمان ميه في الشهر والكهرب وشلون كل شهر ولا كم كل كم يدفع أبي أعرف حتى أعرف اتكلم معاه ولا أصير خبله ما ادري عن شي والله حتى مصروفي ثلاث ميه باالله وش تسوي والله لولا أن أهلي مايقصرون كان مالبست الماركات ولا شريت ألي ابي لأن أهلي حالتهم الماد يه ممتازه والحمد لله ودايمن أقوله تراني شايفه خير و يوم أني عند أهلي كل شي متوفر لي و لا تحسبني ميته على فلوسك بس دايمن هواشنا على مصروفي وأنه مايسوى حتى جوالي يفشل وأمي قالت لي والله لو ماني متأكده ان زوجك حالته زينه كان شريت لك جوال بس خليه هو يجيب لك عشان مايقول هم يجيبون له حتى أنا بطلت اخذ من أهلي حتى يدري انه مسؤل عني بس هو ولا همه دايمن يقول كل شي عندك مني و انا أقول لا والله من أهلي والله مقهوره وشلون اقدر أتناقش معاه وش بقوله تدرن جاي على بالي أدخل اخوي ابيه يتفاهم معاه وين تروح فلوسه عاد كل شي الا البخل أبي ألبس وأكشخ زي خواتي وقريباتي والله مادري وشلون بعض الحريم تخلي رجله على كيفه بس ودي أعرف والله ينفع فيه بس قولولي وش أسوي عشان يرجع زي اول يمكن أحد مغيره علي :06: تكفون أبي حل والله ميته من القهر ألي تساعدني بحل مشكلتي جعل الله يسخر له زوجه ويدلله ومايشوف غيره والله مالي غيركم بعد الله ياخواتي 000000000