زوجي تغير وانا تغيرت

مرحبا

متزوجه لي 3سنوات ومن زواجي الحمدالله كنت اهتم بشكلي وبشقتي وبزوجي

وماقصرت مع زوجي بشي حتى هو كان يقولي هالكلام ويمدح بشكلي :32:

وكنت اطبخ يوميا وزوجي طلباته كثيره يعني مستحيل احط نواشف (جبن لبنه سلطه)لالازم يوميا صواني وكل يوم اغير :06:

ومايحب المطاعم يقول مليت منها لما كنت عزوبي وبعدين صار كل يوم يعزم اصدقائه على العشا يقول حرام عزوبيه وماعندهم احد :06:

وشقتي مايجي من دوامه الا نظيفه واحط الفواحات وينهبل من الريحه والنظافه وكل يوم اغير مرتين واستشور شعري يوميا واحط قلوس وماسكرا

والحمدالله كنت مرتاحه بحياتي كانت فيه مشاكل بس عاديه نحلها بنفس اليوم ودايما يقولي احبك

ولما كنت حامل بالشهر الثامن قلت ابي ازور اهلي كانت نفسيتي تعبانه من الحمل وطولت ماجيت اهلي 4شهور عنهم

قالي وشفيكي انتي تراكي منتي صغيره انتي اكبر مني :16:انا انصدمت من كلامه انا اكبر منه ب3شهور طيب واذا كبيره ماروح لاهلي!!!!!!!!!!!!!1


بعد ماولدت يمزح ويقول انا اصغر منك وزعلت قال ليش تزعلين انا صادق انا اصغر قلت انت ندمان قال لا وشفيك امزح

بعدين كررها مره ثالثه وسكت وطلعت من الغرفه ومره تزاعلنا قال اهلي رقم واحد وانتي رقم عشرين وبعدين اعتذر

واذا واحد تزوج على زوجته يقول عادي يأيد الزواج من الثانيه وصار مايطلعني نفس بدايه زواجي اخذ شهر مااشوف

احد


انا الحين تغيرت صرت ماانظف شقتي نفس قبل يعني تنظيف عادي ولا احط فواحات ولا اهتم بشكلي

واحس ماينفع فيه الطيب وصرت اهتم ببنتي وبس وزوجي كرهته مايهمني وحاسه يوم من الايام بيتزوج علي

لان ماديته زينه

ولو اضمن ماياخذ بنتي كان تركته

زوجي يحاول يرد نفس قبل له كم يوم يقولي حبيبتي بس انا خلاص مااحبه وشايله عليه ماني حاسه بأمان معه

الحين وانا عمري 27 ويعاير اجل بعدين شيسوي انا اكبر منه ب3شهور بس


حتى صرت مااطبخ كل يوم اكثر شي من المطعم والغداء صرت اطنش ومااقعد واقول بنتي مانامت الا متأخر وراحت علي نومه

صار مايهمني قبل اهم شي اسوي فطوره وغداه وعشاه لو اني تعبانه



بليز ابي نصايحكم وش اسوي

ترى كلمت زوجي وطلعت كل اللي بقلبي بس مانفع كافي متحملته مايتكلم وبيتوتي من العمل للشقه وبس

على النت العيشه معه ممله وانا بمدينه بروحي

بعد الولاده ماتغيرت حتى هو يقولي


امي تقول جتكم عين