زوجي جابلي اكتئاب

السلام عليكم
بنات انا مقهوره من زوجي انصحوني الله يرضى عليكم
زوجي مدمن افلام اباحيه مدمن حسابات تويتر الاباحيه كل فتره اكتشفه يتفرج عليها انا تعبت معاه هلكت منه
انا تعبانه نفسيا من ضروف حياتي معاه تعبت منه ومن العيشه معاه اناني بكل ماتعنيه الكلمه بخيل علي انا بذات ونص ونص مع عياله طلعات نادر يطلعني قعدته في البيت على جواله ماعمره اهتم لي لو فكر يجلس معي كم مره حاولت. افتح معاه مواضيع مختلفه مايتجاوب معاي لاهي بجواله يدور اي شيء يتفرج فيه بس يشغل نفسه مع ان وجوده ناادر جدا في البيت مهملني بشكل كبير لا احترام لاتقدير مايسأل عني الا وقت حاجته بس وغيره مهملني مهمل رغباتي كلها مهملني عاطفيا وجنسيا مايهتم لحاجتي همه يقضي حاجته وبس تمر ايام احاول اتقرب منه يتحجج بس لو هو في خاطره شيء ياخذه بالطيب او بالغصب لدرجة اني مليييييت منه ومن اسلوبه ،
ما احس معاه بالراحه تمر اوقات اتظاهر اني مرتاحه معه احاول اجذبه لي بالكلمه الحلوه بالاسلوب باللطف بس مايفيد معاه انا لي فتره ابتعدت عنه وامتنعت عنه ،
انتم تتخيلون لما الوحده فينا تتمنى تحس انها انثى بين يدين زوجها تتمنى تحس ان زوجها مشاتقلها هي شخصيا !! مشتاقه انه يحسسها بحبه لها ،، بكل بساطه زوجي كسر قلبي وهو معاي يتخيل اني وحده ثانيه واضحه من تصرفاته واسلوبه وطلباته اتمنى تكونون فاهمين قصدي لاني ما اقدر اوضح اكثر ،،،
واللي كاسرني اكثر انه يتفرج للإباحيات من فتره للثانيه وكل مره اكشفه واجهته حلف ووعد مايعيدها ورجع لها ثاني مره انا كرهته وكرهت القرب منه لحد ماحصلت بينا مشكله الليله بسبب هذا الشيء بس نفسيا انا معد اطيقه الله يعيني ويصبرني عليه .
والله الذي لا اله الا هو انه تمر عليه ايام يعاملني فيها معاملة الخادمه يرجع يتعدل فتره ثم ينتكس هو جرحني واذاني وقهرني وكسرني انا كيف اتعايش مع انسان كذا .
عيالي كاسرين ظهري اتحمل منه واسكت عشانهم اهلي شكيتلهم قبل يقولون بينه وبين ربه مانقدر نتدخل ومعد كلمتهم لاني ماشفت نتيجه منهم
والله العظيم مقهوره من حياتي كلها ليتني ماتزوجت ولاعرفت هذا الانسان
حسبي الله ونعم الوكيل