زوجي جاب سمك وانا مااعرف له

بنات معقوله ولا وحده تعرف تطبخ السمك

هلا حبيبتي عندي لك طريقة سهلة ولذيذة بنفس الوقت جيبي السمك وغسلية زين وجيبي تيفال وحطي فيها-بصل مقطع وثوم وفلفل بارد وحار وطماط وحطي السمك عليهم ثم جيبي نفس المقادير الي قبل البصل غيرة وحطي بهارات وملح ولاتنسين الزيت وبعدين غطية بقصدير وحطي عنار هادية وبعد 20 دقيقة اقلبي السمك وخلية شوي لين ينضج وتراة مايطول وعلمين اذا ضبط سوية غداء اليوم وانش**** يعجب ابو لشباب
ادعي لي

الكنعد ممتاز للقلى تغلينه مثل البطاطس
وتتبيله انا احط بهارات وملح وفلفل اسود واعصر عليهم ليمونه بحيث يكون التتبيله سايله واحطها على السمك طبعا بعد تنظيفه
واغليه عادى مع رز ابيض ومرق

حبيبتي طريقتي سهله
أخذي السمك وغسليه ورشي عليه ملح وخل وخليه ربع ساعه عشان الزفره تروح وبعد كذا اغسليه وتبليه ببهاراتك كمون فلفل أسود وبزار سمك وفصين ثوم مدقوق ناعم ورشي عليه شوووويه طحين وسخني الزيت وأقليه على نار هاديه لين يتحمر على الجهتين
وسوي رز ابيض معاه
وبالنسبه للريحه حطي قدر صغير ماء وملعقتين أكل مسمار(عويدي) على النار وخليه يغلي نص ساعه وبعد كذا بخري البيت صدقيني الريحه بتكون رووووووعه ولا كأنك طابخه سمك :)

اول شي نظفي السمك كويس بواسطة سكين ومقص لقطع الزوائد مثل الراس اذا ما تبونه وفرشاة اسنان لحف الوسخ الملزق باللحم والدم الجامد
وخلي الماء مفتوحة انتي وتنظفينه
بس تخلصي تنظيف تجيبين وعاء كبير تحطين فيه طحين وماء بارد ومكعبات ثلج وخل وتقطعين ثلاث ليمونات تعصرينهم وتحطينهم بالخلطة وحركيهم عدل وحطي السمك المنظف فيهم يعني انقعيهم عشان تروح الظفرة والريحة
بعد ساعتين طهريهم من ماء النقع وحطيهم في سلة يتصفون زين ودخليهم البراد
قبل القلي بساعات او فيكي قبل بيوم تبهرينهم ببهارات السمك او كمون وليمون وملح وخل
وعند القلي جيبي جريدة او صينية حطي فيها طحين وقلبي السمكة بالطحين من الجهتين عشان ما تلصق بالجدر عند القلي وبصحة وعافية :)