زوجي جاب غدا له وللشغاله ، وانا ما جاب لي ..

مساء الخير ، على احلى عقول منوره وان شالله تعطوني طريقه ابرد فيها قلبي بدون مشاكل ..

السالفه بالمختصر / انا وزوجي متخاصمين من اسبوع علي سبب تافه وهو قلّ ادبه علي ،، وقررت اني ما اكلمه لين يحس بغلطه ، وهو بعد ما يكلمني ..

المهم / زوجي لازم هو يحدد الطبخه الي اسويها ع الغدا ،، وبما اننا ما نتكلم ..
انا كل يوم ارسل له مسج « اش تبغى غدا » وهو يرد علي بمسج ..
امس في الليل ارسلتله ومارد علي ، واليوم الصباح رجعت ارسلت له و رد « انا بجيب غدا »

وصحيت انا وولدي الظهر وسويت لنا فطور وفطرنا يعني شبعانين ،، ولما جا جاب معاه غدا وانا كنت مشغوله اغير لولدي وجاب صحنين بسسس واحد اخذه والثاني قال للشغاله هذا غداك ، ورجع بعدها ينادي ع الشغاله ويقولها ترا الي في الكيس غداك انتي ، يبغاني اسمعه وما اخذ غدا الشغاله ..
وبنت الناس طلع فيها خير وقسمت الغدا بالنص بيني وبينها جابته لي وقالتلي مدام هذا غداك قلتلها انا تو اكلت ما ابغى ..

وجددد انا آخر همي الأكل ، بس الحركه مره وسخه وحقيره وابدا مالها داعي تطلع منه ..
الي ابغاه منكم يا احلى اخوات بالدنيا تعطوني طريقه اربيه فيها ع الحركه الي سواها ، بس بدون مشاكل ، عشان ما تكبر المشاكل واتنكد ، وانا حامل وابدا مو ناقصه ..
ابغى اردها فيه ببرود وهدوء ، بس تحرق قلبه زي ما حرق قلبي ..

بنااااااات جددد احتاجكم تساعدوني ،، ابغى قلبي يبرد من الظهر وانا متوتره ومتنرفزه ومحرووووقه من حركته ..


اخيرا // لحد يحط بذمته انه بينه وبين الشغاله شي ،، الموضوع ومافيه انو هي تبي تسافر وانا وهو جالسين نسايسها بكل الطرق عشان تجلس لين ما اولد او نجيب شغاله ثانيه ..