زوجي جاب لي انهيار عصبي

بنات انا متزوجه وحياتي زي الزفت عندي اطفال موظفه وزوجي عله عاطل الله ياخذه وارتاح
شكاك درجة اولى مريض نفسي مدمن مخدرات بجميع انواعها ويبلع من ذالمخدرات ويتسلط علي بالشك والاوهام والوساوس الي بمخه بس فيني انا سبحان الله ولا هو شخصيته ضعيفه قدام الناس والكل يرحمه مدري هو حيه تحت تبن ولا انا الي مخليته يستقوي علي بسكوتي طوال سنوات زواجي الي اكثر من ١٥ سنه
نجي لا أهلي الي مدري هم اهلي ولا اهله واقفين معه بشكل غير طبيعي يوه مسكين ضعيف وعيب عليك ماتعطينه حقوقه تخيلووا حتى الفراش يسالوني اعطيه او ترا بتلعنك الملائكة لين بكره
قبل كم يوم عصبت وصرخت باعلى صوتي وبعد ماسكتت جاتني نغزات قويه بقلبي والم مع شد برجلي اليسار خلف الساق وكتمه بصدري قلت اكيد جلطه رحت للمستشفى وسوولي تخطيط قلب وعطوني ابر ومغذيات قالوا فيك توتر وشاده اعصابك وجاني خمول ونمت من العصر لين ١٢ الليل وصحيت شوي ورجعت نمت لين الساعه ٨ بالليل اليوم الثاني
انا على وشك اني انتحر عمري ٣٠ واكره نفسي وبيتي واطفالي وزوجي ذا اتمنى انه يموت باسرع وقت الله ياخذ روحه ويريحني منه
والله لايسامحه ولايسامح اهلي معه
وابي منكم تدعون لي اني في ابتلاء عظيم