زوجي جايب لطليقته شغاله !!!!!

السلام عليكم ورحمه الله وبركاته ......................

بدخل بالموضوع على طوول انا متزوجه من شهرين وزوجي عنده من طليقته بنت عمرها 8 سنين الى هنا الوضع عااادي , رحت سيرت على امه اتقهوى عندها قالت لي بحسن نيه ان زوجي جايب لها فلانه اللي هي الشغاله اللي عندها لان امه لحالها مع اثنين من اولادها الكبار ومو متزوجين وامه عندها من قبل شغاله يعني في البيت شغالتين وحده جايبها زوجي ويدفع لها الراتب لان الاولى سافرت ومااكدت لهم انها راح ترجع وعشان كذا زوجي استقدم ل امه وبعد شهرين رجعت الاولى و يدفع راتبها واحد من خوانه , طبعا انا من زمان عندي خبر بهالموضوع وبالعكس مبسوطه دام فيه خير ل امه ان شاء الله فيه خير لي , وقاامت تسولف لي انه زوجي قدم على شغالتين وحده لها ووحده لطليقته عشان تهتم بالبنت لانها موظفه ومو يم بنتها هذا الكلام قبل عرسي ب شهرين قلت كيف طليقته ماشاء الله مديره في مدرسه وراتبها كبير ليش ماتجيب لبنتها شغاله ؟ وبما انه زوجي ماقصر استقدم شغاله ع الاقل هي تدفع الراتب , امه عارفه انو انا معي حق وسكتت انا سكت وقفلت ع الموضوع مع انو البنت كبيره عمرها 8 سنين وغير كذا تدرس والشغاله اكيد تغسل ملابس طليقته وتكويها وانا اكرف في البيت المهم سألت امه اليوم قلت في بيت طليقته عندهم شغاله قالت لي ايه عندهم غير شغاله زوجك انا هنا عصبت يابنات قلت يعني البنت مو محتاجه شغاله دام في بيت جدانها شغاله ؟؟؟؟

اسألكم بالله هل انا غلطانه ولا معي حق ؟ وعلى فكره ترى زوجي موب غني وراتبه على قدنا ومصروفي خمس ميه ريال وطليقته كان يعطيها مصروف الفين وجيت وكتبت لكم وكلكم قلتوا لي يهايط عليك وماادري ايش وطلع للاسف فعلن يعطيها الفين شهري غير راتبها وامه قالت لي واكدت الكلام وانا للاسف منعني من الوظيفه ويعطيني مصروف خمس ميه وانا قد قريت موضوع لوحده تقول اللي كان يدلع الاولى وخربت من الدلع وطلقها هالاخطاء مايكررها مع الثانيه عشان ماتدلع وتخرب عليه مثل الاولى هل فعلا هالكلام صح ونصيحه اللي ماتوجت لاتفكر تاخذ مطلق لانها بتتعب نفسيا .....