زوجي جرحني بخيانته ومستحيل اسامحه

هذا اول موضوع لي بالقسم واتمنى القى الحل 
زوجي جرحني وحطم قلبي بخيانته لي ماكنت اتوقع في يوم بالقاه خانني ومع مين استغفر الله العظيم مع الشغاله حجه الي يشتغلون ويروحون الحمدلله على كل حال والله يابنات ماقصدي استهزاء بخلق الله والعياذ بالله بس مجروحه وهي الله لايسامحها الي حارق قلبي اني ماني مقصره معه بشي والحمد لله جميله وقايمه فيه وفي بيته احترم اهله رغم تجريحهم ومعاملتهم الجافه ولاعمري شكيت منهم عنده اضطريت اجيب شغاله لضروف وماطولت شهر وراحت وقبل تروح اكتشفت خيانته جابت لي الجوال حقها تقل بتوريني صورة امها في الواتس مدري واش قصدها يمكن كانت تبغى تعلمني انها هي وزوجي يتراسلون وفعلا شفت رقمه واسمه ودخلت لقيت كلام ومقاطع اغاني بغيت اموت ضربتها وطردتها وهو من كثر ماصرخت عليه انهرت انهبل وطبعا رحت بيت اهلي بس ماقلت لهم المشكله وشهي خفت من حريم اخواني والشماته وجاء زي +++++واعتذر وكلام كثير واخوي رجعني بس يابنات تعبانه اجامله بس خلاص عفته وماعد يهمني نفسيتي دمار حتى هو ماله وجه ياتكلم معي 
نفسي انسى واعيش حياتي نفسي اسامحه من قلبي ونرجع زي اول بس ماقدرت باموت 
دعولي الله يسخرنا لبعض ويبعد بنات السوءعنا حسبي الله ونعم الوكيل ومن زود الوقاحه فيها حاطه في التوبك عندها حرف زوجي وكاتبه اسفه مع فيس قلوب هذا بعد ماطردتها قصدها تستفزني الله ينتقم منها ياليت جميله استغفر الله اقول انبهر فيها الحمدلله يارب ريحتها تصرع اعوذبالله حسبي الله وكفى وهو يقول لي انا ماطالعت لها هي طلبت مقاطع  تقل تبغى ترسلها لاهلها بس مقطعين ارسلت فوق شينه قواة عينه