آهات رحلة
آهات رحلة
يعطيكم العافيه والله يربط على قلبي ويصبرني على مابلاني مدري اشيل هم المرض والا هالزوج...
اختي العزيزة واضح من ردودك

انك مره منفعله ومقهورة واكيد هذا الكلام مو طالع من قلبك

ودام زوجك هذا طبعه يرمي كلام ويتراجع
يعني هو قلبه طيب في النهاية
صحيح الكلام يجرح اكثر من حد السيف لكن هذا ابو بنتك

والمشكلة مو مره كبيرة يا اختي ولا توصل للطلاق وبينكم بنت


انا ما ابرر تصرف زوجك الانه غلطان وماله حق يجرحك وانتي في فتره حرجة

لكن انصحك نصيحة لوجه الله
دامه هو غلطان
خلي الخطأ يكون عليه بس
يعني لا تشتركي في الخطأ معه

لا تذكريه بتضحياتك ولا تطلبي الطلاق ولا تكبري الموضوع
خليك هادئة واكثري من الاستغفار حتى تهدأ نفسك

ولما يجي يصالحك قوليله انت جرحتني وغلطت علي وانا ما استاهل منك هالمعاملة

ركبيه الغلط ولا تخليه هو يركبك الغلط
اي شي راح تقوليه او تسويه راح يآخذه عليك
واذا قلتي انت قلت بيقول وانتي بعد ما سكتي وقلتي وفعلتي

وانتي مريضة وتحتاجي للراحة النفسية الهادئة
وهذا زوجك وابو بنتك ومالك غنى عنه
وكل هذه مشاكل بسيطة ممكن حلها

وطلبي منه ان يتحكم في اعصابه وما يرمي عليك كلام ما يثمنه

على العموم اختي انا ناصحة لك
والله يسخر قلوبكم على بعض
وتعوذي من ابليس
وكل البيوت فيها مشاااااكل

وما فيه احد مرتااااح

روقي
الحقيقه الساطعه
الحقيقه الساطعه
معليش أختي فيروروشيه وسعي صدرك على فكره أسمك ذكرني بالشوكلاته اللذيذه , أهم شي صحتك هي الي بتبقى لك أما زوجك الأناني الحمدلله أنكشف معدنه قدامك حتى ماتستمرين بتقديم تضحيات لايستحقها ,أهتمي بنفسك وبنتك وصحتك وماعليك منه ,وترى أشباهه الأنانيين كثير .
Independent Mama
Independent Mama
ادعي عليه
سميتكـ _ غلاي
سميتكـ _ غلاي
الله يشفيك ويرزقك بالذريه الصالحه ويهدي زوجك ويسخره لك
عطايا الامنيات
عطايا الامنيات
ماعليك عزيزتي خلي معنويات مرتفع
وانا والله حاسه فيكي واعرف الموقف جدا صعب
بس آلزم ماعليكي نفسك وصحتك والله يسهلك وتفرحين بشفاءك وتفرحينه بحملك
والله يسخره لكي وييسر امرك
المهم لا تشدين معه وتكبير الموضوع هونيها وتهون
عااادي كل الرجال انانيوون ويجرحون ومايعبرون احد هم كذا تركيبتهم الشخصيه كذا
وكملها كم يوم وتلقينه هداء من نفسه
خليكي ايجابيه عشان نفسك وبنتك وصحتك وبسسسسس