زوجي جرحني جرح كبير أنا تعبانة أوي

اخواتي الحبيبات انا عمري 39 سنة زوجة منذ 17 سنة وزوجي يكبرني بعشر سنوات ولي بنت وولدين اكبرهم في تانية متوسط
مشكلة كبيرة بيني وبين زوجي من 3 سنوات فقط بدا يتفرج على الدش والفنانات وبدأ يقارنني بهن وكان معجب اوي بنانسي عجرم وكان بيحصل كتير بيننا مشاكل بسبب ذلك وكان يخاصمني بالاسبوع لا يكلمني ولا يقبل اعتزاري ولا تزللي له ليسامحني وكثيراً تعذبت وتحطمت وزليت له نفسي لإني في غربة ليس لي فيها أهل ولا أحد يخفف عني وبعدين ربنا هداه واصبح لا يتفرج على اغاني ولا افلام ولكن علاقته معي مش حلوة ويتهمني اني خايبة جنسياً ولا ابسطه وأنا عارفة انه غير مقتنع بي جنسياً وعايز واحدة ترقص له وتدلعه وانا لا احب ذلك ولا اعرف الطرق
ومرة زعل مني وقالي انتي خايبة ومفيش عندك انوسة وبعدين لما اصطلحنا قالي انتي زي القمر ده كلام بس وقت الزعل
ومرة قالي انتي مش هترتاحي الا لما اتجوز عليكي وكل مرة اعتزر له وافضل بالساعات احايل فيه واتوسل اليه حتى يرضى عني
واليوم زعل مني علشان قبل العلاقة سألني هتلبسي ايه وانا تضايقت وقلت له يادي المصيبة زعل وقالي ابعدي عني وخليكي خايبة كدة وفيه غيرك عملتها بهزار وقلت له يمكن غيري بتشاغلك لكن انت تستجسب رد وقالي ليه لا الشرع محللي اربعة وفضلت احايل فيه واعتزر له ولا يرضى ابداً ويقول لي ابعدي عني وكان كل همي اتمم العلاقة بنا علشان يرضى عني ووجدته يتفرج على فيلم جلست جنبه وكلمته على البطلة كلام جنسي قالي طبعاً امرأة وتمت العلاقة لكن بعد كدة تكلمنا كلام عادي في السياسة ولم اسأله عن الكللام الي قاله لي وبعد لما نام جلست اتذكر الكلام وابكي اشعر ان زوجي غبر مقتنع بي في العلاقة الحميمة وانا مش عارفة اعمل ايه وكمان مش عارفة هل فعلاً فيه واحدة تانية وألا هو بيخوفني علشان اهتم اكثر مش عارفة اخواتي تعبت من البكاء والتفكير والحذن والأسى اللي جواية لا يوصف والجروح والعقد اللي عندي كتيرة وتعبانة اوي ومش عارفة اعمل ايه
أرجوكم ساعدوني بأرائكم وجزاكم الله خيراً