زوجي جنني

والله عندي مشكله ذابحتني من زوجي وهو اني ساكنه بشقه صغيره وماعندنا الا صاله نستقبل فيها الضيوف الزبده ان زوجي من اجي بطلع وعلى الدقايق الاخيره ومع حوستي استعد والبس والبس العيال يجي ويقولي بيجوني ربعي وبدخلهم البيت وتعرفون الصاله تكون محيوسه بالعاب ومع عفسة البزران الله يحفظهم وانا من طبعي مااحب احد يدخل بيتي وهو مش على الترتيب والتنظيم اللي في بالي عاد هو يعصب ويقول لي انتي ماتكرمين الناس ولا تعرفين الكرم ومن هالكلام:(
لا واللي زاد وغطى لما جاووه الضيوف وانا رحت عن الحرمه اللي عازمتني ودقيت عليه ابي ارجع البيت يقول لي وش اقول لناس بروح اجيب مرتي يعني وش بيفهمونها انها طرده والله العالم اني ماطلبت منه انه يطردهم قلت استئذن منهم وقل بجيب مرتي وانا بدخل غرفتي من سكات ولامن شاف ولا من درى مع العلم اني جالسه عن الحرمه اربع ساعات ونص :icon33: وانا من النوع اللي مااحب اطول بالجلسه عن الناس
ويقول لي لا قعدي هماه في ناس قاعده قعدي معهم لمتى الظاهر الى مالا نهايه تبين تفشلين عن الناس وتبيني اطردهم عشان سواد عيونك
وجاي ياخذني وهو حمقان علي ومعصب بعد :angry2:
الزبده ابيكم تقولون لي هل انا غلطانه في السالفتين ولا علي حق :( وماتحسون ان زوجي مبدي ربعه علي

وعذرا على الاطاله