السلام عليكم عزيزاتي
قرأت كثير من مشاكل في هالمنتدى الغالي علي كثير ولقيت انه اغلب المواضيع تطرح فيها اراء كثيره وممكن بعضها يكون صح والبعض غلط
ترددت كثيرا قبل لا أطرح مشكلتي بس في الاخير استخرت ربي وقلت مالي غيركم لاني مااحب ادخل احد من اهلي في مشاكلي مع زوجي
بقول لكم مشكلتي باختصار واتمنى تساعدوني او ترفعون موضوعي جزاكم الله الف خير
انا متزوجه صار لي سنتين و8 شهور عندي بنت ولله الحمد عمرها 10 شهور ، خطوبتي كانت سنتين فهمت زوجي وفهمت طبعه من ايام الخطوبه ولما كان باقي على الفرح 3 شهور اكتشفت انه زوجي يكلم وحده كويتيه انصدمت ماصدقت لانه انسان ملتزم في نظر الجميع واخلاقه عاليه الكل يحبه ويمدحه كذبت عيوني اخذت الرقم من جواله وارسلت لها رساله عشان تبتعد عنه وللاسف عرف انو انا ولما واجهني ماقدرت اكذب وقلت له اني مو مصدقه انه يسوي كذا طبعا اختلق كذبه وقال انه مابينه وبينها شي وانو يعرف زوجها ويسوي لها معاملات بالبنك انا بينت له اني مصدقه بس انا مستحيله اصدق لاني شفت رسايل بعيني المهم انو وعدني انو يقطع علاقته فيها وبزوجها على قولته
تزوجنا وكنت مبسوطه في حياتي كان يدلعني ولحد الان ومايقصر علي بشي اول ماتزوجنا كانت لسا تدق عليه وكنت ادري انه يكلمها بس ماعلمته الا بعد سنه من زواجنا وقلت له اني مااقدر اتحمل مو مقصره معاه بشي ليه يسوي كذا وعدني وقلت له هذي اخر مره لو اكتشف انك تضحك علي بيصير كلام ثاني وعدني وتوسل لي اني مااتركه وانه يحبني
طبعا صدقته ومن يوما تغير صار حنون قريب مني اكثر خصوصا لما جبت البنوته صارت حياتنا حلوه بس انا مو قادره انسى اخاف انه لسا يكلمها مع اني ارقب ايميله مااشوف شي ولا تلفونه بس احس اني مو قادره اوثق فيه بعد كذا
المشكله الثانيه واسمحولي اذا ثقلت عليكم بس مالي غيركم صدقوني
مو قلت لكم انو حنون ومدلعني ومو مخلي علي قاصر واسمحولي حتى في العلاقه الخاصه دايم يحسسني اني ملكه عنده
على كل هذا اذا عصب لاتشوفونه ينقلب 180 درجه يصير وحش قاسي جاف كلامه جارح ودايم يذكرني انه يسوي كل شي عشاني ويقصر على حاله مايدري انه لو مايسوي شي احسن الف مره من انه يمن علي باللي يسويه يقولي انه يحب المرأه اللي تناقش بس لما يصير بيننا اي نقاش حتى لو تافه ينقلب لهوشه على طول ومايبغى يسمع مني ولا كلمه واذا تكلمت يتهمني باني وحده ماعندها احترام لزوجها وماتعرف حقوق الزوج
انا الحين متهاوشه معه من يوم الجمعه بقول لكم اللي صار وقولو لي انا صح ولا غلط والله ماعاد افهم شي
يوم الجمعه كان عندنا عزيمه بالليل لبيت صاحبه توهم عرسان قالي قلت على امرك اروح معك بس العصر ابي اروح مع البنت بقص شعرها قال اوكى اوديك العصر المهم قال بسرعه لانه موعنا على 8 قلت اوكى مر علي الساعه 5 ونص والبنت توها تكرمون موسخه فغيرت لها بامبرز بسرعه وهو يدق علي جوال المهم خلصت بسرعه وطلعنا ورجعنا الساعه 7 اول مادخلنا ترمون دخل الحمام انا نسيت ماشلت البامبرز ورميتها اول مادخل قال ريحت الحمام مقرفه ويش هذا وانا والله ثم والله والله على مااقول شهيد دايم منظفه شقتي وعمري ماخليت الحمام ريحته مو حلوه ابدا قلت له نسيت الحفاظ ماشلته راح يجب كيسه علشان يشيلها قلت له خليه الحين انا اشيلها مو كل مره انا اللي اشيل بس الحين نسيت قالي خلاص اسكتي واذا شفتني معصب لا اسمع صوتك قلت له وانا وش قلت الحين عشان تعصب قال اسكتي انتهى الموضوع ولاتطولينها لا اربيك الكلمه ذي اثرت فيني حيل وقلت له الحمد لله اهلي مربيني زين ومشكور على كل اللي يجي منك
عاد يوم الخميس كان عيد ميلادي وكطان احلى يوم عندي دلعني اخر دلع وجاب لي ورد وعطر وشنطه وعشاني بمطعم ويوم الجمعه شوفو ايش صار فيني انا على طول ارسلت له رساله انو كل شي جميل تسويه عشاني تمسه بكلامك الجارح فأرسل لي انو انا مااستاهل كل شي يسويه لانو ماعندي احترام له فقلت له انت دايما تبغى احترام وانت ماتحترمني وتجرحني بكلامك القاسي طبعا نسيت اقول لكم مع كل اللي صار جهزت بنتي وانا لبست عشان ماينحرج مع صديقه اللي واعده نزورهم مع اني مجروحه منه بس قلت مو حلوه بحقه ومع هذا قله تركني ومشى ومااعرف وش قال لصديقه
بالله عليكم قولو لي هل انا قليلة احترام والله عجزت اتعامل مع عصبيته اذا روق مافي احسن منه بس اذا عصب الله يوريكم اللي قاهرني انه يشوفني اطبخ يجي من الدوام يطنش ويسوي له بيض وينام حتى بنته مطنشها ويش ذنبها المسكينه
اراضيه ولا اطنشه زي ماهو مطنشني المشكله حتى لو هو غلطان مستحيل يجي ويراضيني
اسمحو لي طولت عليكم بس والله مقهوره ساعدوني :44:
أم الكرز @am_alkrz
عضوة جديدة
يلزم عليك تسجيل الدخول أولًا لكتابة تعليق.
الله يفرج همك ويحنن قلبه عليكي
اعور ويتنقور يكلم وحده وغلطااان وفوق دا يقول احترميني
حلللللللوة والله
مااقول الا الله يكون بعوونك ويفرجها عليكي
ويسخره لكي
اعور ويتنقور يكلم وحده وغلطااان وفوق دا يقول احترميني
حلللللللوة والله
مااقول الا الله يكون بعوونك ويفرجها عليكي
ويسخره لكي
أم الكرز
•
حبيبتي فرح الطفوله اسعدني ردك السريع حسسني انو في احد يسمعني
انتي صادقه انو اغلب الرجال كذا بس زوجي احس انو غير صدقيني اخاف اسوي اللي قلتي عليها وادحر ابليس واروح له ويطنشني لانو سواها قبل والله كان غلطان علي وبعد يوم رحت له اكلمه تقولين اكلم جدار مطنش ولما قلت له تراني اكلمك تركني ومشى تخيلي ولما طنشته كم يوم ماكلف على خاطره يكلمني اكتفى بس انه اشترى غدا وانا كنت بالمجلس حطلي صحن وجابه ومشى شفتي شلون كبرياءه عالي حتى ماكلف نفسه يكلمني والله الحين انا ماانام معه انام في غرفة ثانيه وقلت هالمره ماراح انا اللي ابدي بالكلام
بس بعد ابي اشوف ويش يقولون الحوائيات واشوف راي الاغلبيه وتسلمين حبيبتي ماتقصرين والله يبعد عنا وعنك المشاكل
انتي صادقه انو اغلب الرجال كذا بس زوجي احس انو غير صدقيني اخاف اسوي اللي قلتي عليها وادحر ابليس واروح له ويطنشني لانو سواها قبل والله كان غلطان علي وبعد يوم رحت له اكلمه تقولين اكلم جدار مطنش ولما قلت له تراني اكلمك تركني ومشى تخيلي ولما طنشته كم يوم ماكلف على خاطره يكلمني اكتفى بس انه اشترى غدا وانا كنت بالمجلس حطلي صحن وجابه ومشى شفتي شلون كبرياءه عالي حتى ماكلف نفسه يكلمني والله الحين انا ماانام معه انام في غرفة ثانيه وقلت هالمره ماراح انا اللي ابدي بالكلام
بس بعد ابي اشوف ويش يقولون الحوائيات واشوف راي الاغلبيه وتسلمين حبيبتي ماتقصرين والله يبعد عنا وعنك المشاكل
أم الكرز
•
تسلمين موتي ولادمعة حبيبي هو كان يكلم الحين تاب بس المشكله فيني مو قادره اوثق فيه مع اني مو شايفه عليه شي بالعكس بس العصبيه والكلام اللي يعور الله المعين
الصفحة الأخيرة
انا زوجي لزعل مني او زعلت عليه مايكلمني ولايكلم العيال ولايشوفهم يطلع طول اليوم من بعد الدوام يجي ينام ويطلع بدون ما احس به ولايقعد مع عياله ويرجع علشان ينام وبس
واذا كان راضي مافي احسن منه واذا معصب مافيه اكرهه منه
عموما انتي لاتخلي الشيطان يركبك وتنازلي هذي هي الحياة لابد من التنازل
وتذكري انه طيب معك بس لعصب قط كم كلمة ،،معليش انسيها او تناسيها
وروحي بدلي ورتبي وضعك ونومي بنتك وروحي كلميه بهدوء وقولي له وش في خاطرك ،،حنا مالنا الا بعض وانت غالي عندي لو انك رخيص ولا ماتهمني كان ماجيتك....ومن هالكلام
شوي شوي راح هو يتكلم معك وخلاص هنا قولي له نفتح صفحة جديده وادحر ابليس
وخليكي طبيعية بسوالفك
اهم شي انك ماتطولين ماتكلمينه لانه كثر البعد يسبب الجفاء لاتخلينه يتعود ع عدم وجودك
معليش انا شطحت عن سالفتك الاولية ،،،اهم شي انك تحسسينه بالثقه وحاولي تراقبينه وانتي تحسنين النيه انه تاب وادعي له ان يبعد عن الحرام
الله معك