زوجي حارقني بقولة روحي بيت اهلك

السلام عليكم ياحوائيات

انا وزوجي كل مانتكلم ف موضوع ما يعجبه يقولي تبغين كذا ولا روحي بيت اهلك مع انو هذه الكلمة احسها تولع في نار من الزعل
اليوم اتكلمنا على انو ممكن اهله يشترون عماره ويصير نسكن حنا فوق وهم تحت
قلتله مايصلح ماراح نستقل والبيت على طول راح يجلس مفتوح وبنتي راح تتعلم كل شي ماابغاه تتعلمه(لأن اخته 8 سنوات تعرف الشي اللي مااحبه وتعلمها اياه) قالي انتي في بيتك وسكي بابك قلت تجيبني وسطهم وتقول سكي بابك وراح يصير حساسيات ومشاكل قال بتسوين مشاكل اشيلك من اذنك وأوديك بيت اهلك تجين عند اهلي وتغلطين عليهم انا صرت كذا(:angry2:) بس مابينت له قلت له ولو هم غلطو وين بتوديهم قال انا اسدك فيهم قلت وليش نعيش فمعركه قال انا الولد الكبير وبالاول والاخير لازم اسكن عندهم علما انو ابوهم عايش ونشيط الله يحفظه والباقيين كلهم اولاد اصغرهم سنه رابع والباقيين شباب وبنتين كبار ووحده 8 سنوات يعني ما يحتاج انو يسوي الحركات هذه قلتله جمبهم معليش لكن ف نفس العماره ما اااااااااا يصلح

اعوذ بالله والله لو يدري قد ايش احقد عليه لمن يقولي اوديك بيت اهلك وانا ماسويت شي ان اظنه ماعاد يقولها

والله حق من راحت بيت اهلها وعلمته مقدار الكلمة هذه متى وليش تنقال رجال اخر زمن