زوجي حاط عيننه على فلوسي

بنات انا مليت من حركات زوجي اتخيلو استغلت اسويلي حلويات وانزل بالمحلات وصارت تجيني فلوس ولله الحمد وبديت اجمع فلوسي برصيدي الخاص زوجي حط عينه عليهن صار كله يقول انتي بس تجمعينهن وتحطينهن على قلبك من بتصرفينهن عليه لاعندك اولاد تصرفين عليهم ولاشي ساعديني قلت يكفي انك مامنت مستقبلي ولاعطيتني فلوس وحاط عينك علي بعد وصار يهاوش انتي ماتساعديني وانتي وانتي قلت اوك اجل بدفع مع راتبك 1000 من عندي قال اوك بعد شهرين قال الحين فلوسك ذي ليش ماتدفعينها كلها معي قلت خيرر ان شالله الحين يوم اني اشتغلت رغم اني كنت في بيت ابوي مدلعه ومن اخذتك شفت الفقر والمذله وقلت اشتغل وانبسط بفلوسي واامن مستقبلي ولاانت تبي تلغي هويتي قال اي هويه واي خرابيط انتي ماتستحين ماتحطين فلوسك مع زوجك وتساعدينه قلت ياحلو والي دفعته 1000 ماساعدتك بشي قال الي عطيتيني اياها ذي لك انتي قلت كيف لي انا قال حريم خواني يساعدونهم قلت لو ماعرف حريم خوانك كان صدقتك حريم خوانك يازوجي المصون وهي كل وحده تاخذ راتب وحد12000 ووحده 10000 مادفعن ولاريال معاهم واخوك ماحكيك وقالك انا متهاوش مع زوجتي بسبب فلوس النقل حق مدرستها وهي موراضيا تدفع ريال وبعد اسبوع قال خلاص راضيتها ودفعتها انا يعني ولاريال يدفعن قال انا اعرف باشياء انتي ماتدرين عنهن قلت ليه عايشه لحالي ترا اجلس معاهم ويتباهن بهدايا خوانك وهن الله منعم عليهن قال استكتي بس والله ماتجين مثلهن هن يدفعن مع خواني ويساعدن وانتي لا قلت انكرت فلوسي الي ادفعها معاك قال قلتلك هاذي لك مولي تصرفينها على البيت والعيال قلت ماشالله اجل كيف حريم خوانك يساعدون خوانك قال وحده شاربه سياره لاخوي والثانيا السفريات السنويه عليها قلت اها وانت يوم تتكلم هاالكلام شايف معي مثل فلوسهن وثانيا مرة اخوك شاريه لااخوك السياره وكل ماتهاوشت معاه اخذت المفتاح منه ويتصل عليك يقول تعال خذني اخذت مفتاحها وبلاخير يجب لها هديه وتحطها بالواتس وتكتب شكرن على الهديه يالغالي قال تكذبين قلت شوف وش كاتبه يجي يتقلب لونه قال اكيد هي معطه فلوس قلت انت الحياه عندك فلوس فلوس ترا مليت ودامك تقول ال1000 الي عطيتك مامنها فايده شسوي مليت منك قال انا الس مليت منك خلاص روحي لاهلك ماتساعدين زوجك وتجمعين فلوسك..وهو تخيلو يابنات قبل يومين يقول لو تجيني فلوس تدرين وش بسوي انا عبالي بيقول بعوضك لا قال بسوي عزيمه لااهلي كبيره مو مو باستراحه لابحطها بقصر وبعطي امي وخواتي فلوس ونا اناظره بقهر وقول في قلبي سبحان الله وقت الشده يبي ياخذ من فلوسي وااساعده ووقت مايكون عنده فلو س يروح صرف على غيري وادخل الغرفه وابكي من القهررر شسوي يابنات معاه مليت من اسلوبه المنرفز حسبي الله ونعم الوكيل وفوق على كيذا لاتهاوشنا قال مليت منك روحي لااهلك انتي ماتساعديني وانتي وانتي ..