زوجي حطمني ويتهمني بالغباء

من اراد .. استطاع
و التغيير قرار


ربي يوفقك

الله يعينك ...

بس بس بس تحطيييم
خلاص يكفي وش بك إنتي مو غبيه أنتي حساسه مخلوطه بطيبه وبرائه وين الغباء بالموضوع
قولي خف علينا يانيوتن
تعالي هنا أول شيء قررتي تغيرين هذي خطوه مهمه وتبين أنك ذكيه
يالله بنبدأ اول شيء شكلك لأنه له دووور
إذا دبه انحفي سوي رياضه غيري لبسك إلبسي ملابس تناسب سنك ضروري هالنقطه
غيري تسريحه شعرك قصيه اصبغيه سوي حركات حلوه واليوتيوب عندك مالك عذر كله تسريحات
خصصي يومين بالأسبوع عناية لك وراحه من شغل البيت ماسكات شعر وبشره
خلي ريحتك عطورات ناعمه لأن العطور تنعش وتزيدك ثقه
الصباح بخري بيتك وإذا عندك بنات عوديهم يساعدونك بالبيت عشان تخف المسؤلية عنك شوي
وعيالك اهتمي بلبسهم ونظافتهم وترتيبهم خليهم يساعدونك كل واحد يرتب مكانه على الأقل
معليش بالبدايه صعب بس بعدين يتعودون
أختك عندك اسئليها وشوفي وش تسوي وسوي زيها بس بطريقتك الخاصه بعيدا عن التقليد
حلو.... ثاني شيء لاتخلينه أكبر همك
يعني قالك وش عندك متغيره قولي ماتغيرت بس أنت ماتشوف
لفت انتباهي أنك تتأثرين بالكلمة الحلوه والشينه
إذا قال لك كلام حلو ابتسمي وقولي شكرا مو تلزقين له وتقولون صادق لا خليك واثقه قولي دائم اسمع الناس يقولي لي كذا بس بدون مبالغة
وخليك بعيده عنه خليه يركض وراك بس لاتهملينه
إذا قال لك كلام سلبي هنا عاد يرجع لك أنتي عشتي معه 15 سنه يعني عارفه نقطه ضعفه
لازم يعتذر لك مو تعدينها له سواء اعتذاره كلام أو أفعال اقبلي اعتذاره وناقشيه بهدوء وثقه واختصري كلامك له ولاتنسي دلعيه من وقت لوقت مو على طول
بعدين إذا صار لك موقف محرج لاتقولين له قولي له أشياء الناس مدحتك عليها بس بدون مبالغة
حلو .....التغيير يبدأ من نفسك عليك بالقراءه تقولين قبل ماعندي لادش ولاشي يالله اللحين عندك يوتيوب مليان ودش واختك أكبر مثال هذي هي عندك يالله وش تنتظرين ؟

لدرجه مره حبيت اساعدها فكان عندها صحن تقديم كبيير ومليان تقديمات جيت ابااحمله واقدرت وقلت لها مااقدر احمله وبعدين اخاف اوصل للحريم ومن الاحراج يطيح مني ..............


يعني الصحن كان ثقيل ورحتي قلتي لها ما اقدر عليه ؟ عادي طيب وين المشكله هنا ؟ ها الشي لا يفشل ولا شي وبعدين انتي تعودتي انك ما تختلطين بأحد من البدايه فما تشوفين كيف الناس يتعاملون مع بعضهم يعني الي فيك مو غباء نهائيا فعشان كذا ارجعي اختلطي بالناس عشان تتعلمين الي فاتك ولا تشيلين هم بزياده لا غلطتي بشي الوحده ما انولدت متعلمه ومصيرك بتعرفين كيف تتعاملين مع الي حولك وبخصوص المكياج عندك اليوتيوب تعلمي منه بس اهم شي لا حطيتي لا تكثرين عشان ما تصيرين مهرج خلي مكياجك ناعم مره وبرضو بخصوص اللبس وغيره النت مليان وعندك اختك لو تبين أسأليها الي تبين مدام علاقتكم زينه

أنتي مو غبيه أنتي بس ماعندك ثقه بنفسك متتتتتتتحطمه ليييييه وعشان مييييين عشان الزوج وإلا عشان نفسك فكري بنفسك وبصحتك وجسمك وماعليك من أحد و حلوووو وروووووووعه تفكيرك بنفسك أنتي مو غبيه بس كنتي غافله وطيبه بزياده شوفي يالغاليه إبدأي أول شي بعلاقتك مع ربك كل شي غلط أو ذنب توبي منه وحافضي على صلاتك واذكارك يعني قوي نفسك من الناحيه الدينيه هذا يعطيك حافز وبعدها سمي بسم الله وقومي على نفسك إنحفي وإذا نحييييفه جدا اسمني لين يصير جسمك حلو واهتمي ببشرتك مو بس وجهك لا كل جسمك وحدي لونك وفتحي واهتمي بشعرك والنت مليييييان والمكياج أبسط شي وسهل جدا وحلو ترسمين حواجبك وتحطين كحل سايل خط من فوق العين ومسكره وروج بس وشوي شوي تعلمي من اليوتيوب اكتبي تعليم مكياج وجسمك سوي له صنفره مره بالاسبوع وشيلي جسمك كله بالحلاوه كل اسبوعين واذا تشقرين شقري كل اسبوعين وتروشي بالسدر اخلطيه بماء بس لين يصير سايل زي الزبادي وبللي جسمك ماء وادهني السدر عليه وافركيه بالليفه وبعدها رطبي جسمك وحطي ماسكات تغذيه لوجهك تعطيك نضاره وتصفي وجهك حطي هالقناع كل يوم ربع ساعه بس وراح تدعين لي الي هو غسلي وجهك ورقبتك بصنفرة المشمش أو صابونه وشطفيه ونشفي وحطي هالقناع وهو ملعقتين دقيق أبيض وملعقه حليب بودره ونص ملعقه عسل وزيدي مويه ورد واخلطي لين تصير شبه سايله وادهني وجهك ورقبتك فيها ربع ساعه واغسليها وحطي مرطب كل يوم سويها وشوفي بعد اسبوع كيف وجهك ولبسك غيري يعني لو كنتي بس تلبسين تنانير بس اشتري جلابيات حلوه وفخمه أو بناطيل تكون واسعه وعليها بلوزه طويله وملابسك جددي فيها كل شهرين أو كل ثلاث شهور عشان يصير لبسك دايما حلو والبسي ذهب ناعم الموضه الحين أو اكسسوارات حلوه والتقديمات شوفي بالنت صور للصحون الي يتقدم فيها واشتريها وعشان تطول عندك لاتستخدميها الا للضيوف ومع الناس خلي كلامك حلو ولسانك ينقط عسل يعني تعلمي وش تردين اذا أحد سولف معك ابحثي بالنت عن اسلوب الرد الحلو على الناس أو ثقافة الحوار تلقين البنات يكتبون وابحثي عن الثقه بالنفس وتطوير الذات واقري كثييييييير صدقيني راح تغيرين مرررررره وبعد عيالك صحيهم بدري ونوميهم بدري خلي نظام بالبيت وسوي فطور وغدى وعشى وبعد العصر حلى أو تمر مع قهوه ويوميا نظفي بيتك وبخريه واخر اليوم طلعي الزبايل .تكرمون .
وووالله العظيم اني كنت زيك زمان بس الحين لا الحمد لله ما أقول صرت مره لكن أحسن من أول وسامحيني على الاطاله حبيت أساعدك والله يوفقك