الله يهديكم لبعض

حبيبتي انت ماغلطتي من حقك تلبسين وماشوف لبسك غالي وبالذات أد راتبه زين وخذي كيكة الوحدة تكرف لهوتخدمهواعياله و يتخاسر فيها كيكه الحل معاه طناش ولا تسالي فيه واذ بناتك احتاجو شى هم يطلبونه وان شاء الله يحس بغلطه ويعتذر

في فساتين حلوه اقل من كذا
مفروض اخذت شي على قد امكانياتك
واكيد دام قال بيعطي البنات مصروف غير فهو ناوي
بس اسلوبك غلط ومنزفز عشان كذا عصب عليك

مشكلتج مع زوجج ما هي مشكلة هالموقف بس .. انتي موب عارفة تكسبينه ولا عارفة تجذبينه وتجذبين تقديره ..
كل مشاكلج السابقة والحالية تتمحور في نفس الدايرة .. ما يعطيني ما يوديني ما يرتب البيت ما يركب الاثاث ما يضحك ..
كل المشاكل عبارة عن مشكلة وحدة قاعدة تكبر وتكبر .. أساس هالمشكلة زوج وزوجة ما بينهم انسجام وتواصل نفسي .. والسبب ان كل واحد منهم في جهه ..
زوجج موب بخيل ولكنه يستكثر عليج .. لأنج ما تقدرين تعبه ومشاعره فيقول اعطيها علشان افك راسي منها .. وهذا الشيء مختلف جدا عن اللي يقول أعطيها لأنها حبيبتي وتستاهل ..
قاعد يحاسبج على القليل .. لأنه قاعد يشوف ان هالقليل كثير على انسانة ما تقدر مشاعره ..


في عيد الفطر دخلتي في جدال معاه بسبب العيد ومقاضي العيد .. وهذا العيد انتي داخلة نفس الجدال معاه ..
تعرفين شيء .. لو انج تعدلين طريقة كلامج واسلوبج معاه وما تتصادمين معاه ولا تكونين استفزازية كان هو بنفسه اللي قال لج يالله نطلع ونشتري ..
حسسيه بالفرح بالامتنان بالشكر بالتقدير .. بدال ما انتي قاعدة تحسسينه بالتقصير والبخل وانه يأذيج ..
زوجج معدنه طيب ويجي منه .. كل المواقف تقول هالكلام .. كل اللي صار ومشاكلج اللي قبل واللي الحين تعكس شخصية زوج يريد حياة اسرية مستقرة ولا عارف كيف ..
اختي راجعي نفسج بشكل عام .. اتركي حسبة الفلوس والارقام واعطاني وصرفت .. وخذي حسبة المواقف .. هو وافق يوديكي السوق .. وانتي بدال لا تقولين له أحب تكون معانا ونفرح بجو العيد وتحس البنت انها تشتري للعيد تقولين عطي بنتك فلوس .!!
اسلوب الامر ليش ؟؟ استعملي اساليب الوداد اختي .. تر الملافظ سعد .. واللسان الطيب يفتح القلوب .. خلي لسانج طيب وتعاملج بالحسنى .. هذا زوجج شريك حياتج سيد بيتج ما يستاهل الاسلوب اللي نتكلم فيه مع اللي نكرههم ..


الله يصلح ما بينكم ويجمع شملكم

الله اكبرالله اكبرالله اكبر لا اله الا الله
الله اكبر الله اكبر ولله الحمد