زوجي حقووود ومجنني ساعدوني

السلام عليكم ورحمة الله وبركاته
انا مشتركة جديده في المنتدى 😊😊
ولي حمسني اني اسجل معكم هو اني حسيتكم عايله وحده تنصحون بعض وتعطون رايكم بمحبه
وهاشي حمسني اني اشاركم مشكلتي الي اعاني منها من سنين ..؟؟💔
انا صار لي متزوجه ياحبايبي تسع سنوات ومن هاتسع سنوات اشوف يوم حلو واشهر تمر علي مر وعلقم الله وكيلكم 💔
زوجي انسان متقلب مزاجي وحقوووود على كثر ماتحمل الكلمه من معنى ومايحب احد وحتى لما امزح معاه ياخذ المزح جد ويزعل ودايم يشوف نفسه هو صح مع ان هو كريم ومايقصر بشي
جربت معاه كل الحلول الطيبه والكلام الحلو وسكوت اسمع واعدي ولا شي من هالحلول فاد معه
بدايه زواجنا اول سنه كان يتجسس علي وعلى امي واحنا نتكلم في التليفون وخبركم البنت دايم تشكي لامها وكنتي اشتكي لها من فعايله وجاني يوم والشر طالع من عيونه ليه تشكين وتتكلمين ومد ايده علي
وكلمت اهلي ورحت بيت اهلي وجلست يومين ودق هو يعتذر مني وانا سامحته ورجعت من باب ان الرجال كلهم كذا ومدري ايش
ورجعت وكم شهر وحملت بولدي وبدت المشاكل معاه من جديد وصار يقط كلام علي ويرفع صوته حيل وانا صبرت وتحملت لين ماولدت وبعد مارجعت من الاربعين صار سوء تفاهم بيني وبينه وقام خنقني وولدي باايدي وجلس يصرخ الله ينتقم منه وراح مع اني انا اذا شفته يصرخ اسكت ولا ارد عليه وحاول اهديه واعتذر منه حتى لو انا مو غلطانه وسكت عنه
وبعدها حملت في بنتي وهو على ماهو ماتغير يتعدل اسبوع وشهر يصير اردى من الي قبله وفي يوم قلت له يابو فلان قوم خلنا نطلع نتغداء برى نغير جو قال طيب وطلعنا ورجعنا يوم جا في الليل قال انا مكتوم احس بكتمه كله من اكل المطاعم قلت شدعوه ويقوم ويخنقني ويضربني قدام عيالي ولدي جلس يصرخ وبنتي تصيح من الخوف ورحت بيت اهلي وجلست اسبوع ومادق علي وانا نفس شي لان طاب خاطري منه وبعد اسبوع دق وجلس يبكي انا احبك وسامحيني وانا انهرت وجلست اصرخ عليه وقلت لاتمد ايدك علي قال خلاص ماعاد امد ايدي وفعلا من بعد ذاك اليوم مامد ايده وبعدها جا وتكلم معاه ابوي وياكثر مايتكلم ابوي معاه وينصحه ويكلمه بكل احترام ورجعت له
وبعد فتره جلست اتفاهم معاه في تليفون ليه ماتحاول تمسك اعصابك تغير اسلوبك ولاتصرخ وترفع صوتك عيالك يخافون منك جلس يصرخ وقال انقلعي لاتجين من بيت اهلك
ورجع اتصل على ابوي يبي يشوف ابوي ويوم جا صار يبي يركبني الغلط بأي طريقه ومو لاقي يتحجج بس هالمره ابوي شد معاه وقال له البنت مو مقصره معك وانت الي متى بتجلس كذا ومن هالكلام سمع الكلام وسكت ورجعت معه والحين حاقد على ابوي ويكره ابوي مع ان ابوي اقسم بالله ماغلط عليه بس ليه يقول انه هو غلطان هو مايغلط
وعيالي دايم يقولون لي خلنا نروح بيت جدي ونعيش هناك مانبيه 😭😭
ولاادري ياخواتي وش اسوي ولا وش الموقف الي اتخذه هاشي مره انعكس على نفسية عيالي والله بس وش اقول حسبي الله ونعم الوكيل
واعذروني طولت عليكم 😔😔
عطوني رايكم الله يسعدكم 💞