زوجي خاني اكثر من مرة ! وش اسوي

اه يابنات اكتب لكم وانا من البارح مانمت من الهم ، انا تزوجت وعمري ١٨ وكنت توني متخرجة من الثانوي ، من انسان سمعنا عنه انه كويس بس ابوي الله يهديه ماسأل بالشكل الكافي ، حملت وجبت ولدي وكملت جامعة ولله الحمد ، اول شهرين من زواجي فتحت الكمبيوتر حق زوجي كان فيه اذا تذكرون مكان ينحفظ فيه المحادثات حقت الماسنجر ولقيت رسايل لبنات وواجهته وقعد يبكي ويقول كله شي ماضي وقبل الزواج وحلف لي بالله مايكررها ،، صدقته وقلت مالي شغل بماضيه ومقدر احاسبه عليه ، المهم بعد سنة ، كان جواله مفتوح وفتحته لقيت محمل برنامج kik وبي بي وضايف بنات وغزل وكلام حلو وانا حارمني من هالشي ، واجهته ونفس الشي بكى وقعد يحلف وسكت قلت عشان ولدي ، ماني فاضحته عند الناس ووعدني يتغير ، وانا حياتي قلبت شك صرت ماعاد اثق فيه واول مايفتح جواله قلبي يعورني ويحلف لي ويقول لي انتي عايشة باوهام انا مااعشق الا انتي ، المهم قبل يومين كان مسوي شبكة جديدة وعطاني الرقم السري ، والرقم السري محطوط باحتراف ، قلت يمكن هالرقم هو نفسه الرقم السري حق البرامج اللي عنده ، واروح اسجل خروج من الكل البرامج اللي عندي وادخل باسمه وبالرقم السري ، وفتح 😔 وليته مافتح ، البي بي كله بنات ، والسناب ضايف بنات يرسلون له صور ومقاطع اعوذ بالله ، بكيت وانهرت وارتفع عندي الضغط ، وقلت روحتي لاهلي ماراح تفيد ، وش بقول لهم ! المشكلة اني ماني طايقته وقاعدة اجامله عشان ولدي ، الله حق هو مو مقصر معي لا ماديا ويطلعني ويسفرني ، بس كل هذا صرت مااشوفه شي بعد خيانته ، ارجوكم يابنات عطوني الحل ؟ انا الحين في حالة صدمة منه ، ليش يحلف بالله كذب ! علما انه مايصلي ! ابي حل تعبت والله ، وانا مقبلة على بعثة وهو يقول بيروح معي وانا ودي اغيره بعد اللي شفته ، مابيه يروح معي ، خله يقعد هنا يكمل خرابيطهز، وانا بروح انا وولدي مع ابوي ولا اخوي ، وش رايكم يابنات ! ابي حل !