زوجي خذلني !!

اهلا بكم عزيزاتي بنات حواء الله لا يحرمني منكم تصدقون اذا بغيت افضفض احس مالي غيركم انتم اللي بتسمعوني وانتم اللي بتوجهوني للصح والغلط :(
اليوم ما ابغى نصايح ابغى افضفض
اليوم كنت جالسه مع ابو الشباب وطبعا ابغى اقول لكم انني واهله متقاطعين من زمان من سنه ونص بطلب منه اهو لانه اخته الكبيره اللي عيالها بعمري تغار مني وتعشق زوجي وسببت لنا مشاكل كثير بحياتنا عطتنا عين قويه قويه مع ان مو ناقصها شيء زوج على المزاج ونص درزن عيال بس وش نسوي على العيون الفارغه اللي يبيلها تخفيس طبعا انا وزوجي متاكدين من هالشيء مشايخ كثير قالو لنا لان عينها سببت لزوجي عجز في الامور .....:09:

المهم زوجي متضايق لان امه وقفت بصفها وانا وزوجي متاكدين اننا ما ظلمناها لان فيه اسباب كثير تدينها بس صابرين وندعوا الله بالشفاء

المهم انا اتفقت مع زوجي انه ما يعطيها وجه ابد علشان تكرهه مثل ما نصحتوني وهو يقول انه ماشي على هالكلام لعل وعسى تنفرج الازمه طبعا هو يروح لاهله وتجي ولا ادري عن شيء
اليوم اتصلت علينا وكنت بالمطبخ اسوي لزوجي الشاي ورد عليها !!!!!:eek:
وكان مشغل السبيكر واسمعوا السوالف معها والضحك طبعا انا ما تحملت طلعت وخزيته بعيوني من القهر وسوى نفسه ما انتبه سكر منها وجلس يسولف عادي طبعا انا حامت كبدي منه وماعطيته وجه وما تحملت قلت ليش تسوي كذا مو اتفقنا تطنشها ولا تعطيها وجه لين تتعافى خلها تكرهك يا رجال قال وانا وش سويت اسولف معها عادي !!!!!!!!!

طبعا انا الدموع كانت سيدة الموقف جلست ابكي لين ورمت عيوني هالرجال ما يحسون خذلني خذلني خذلني :(

وطلع يسهر مع اخوياه وتركني وانا مالي نفس اطلع حسيت اني شايله هم المشكله لوحدي وهو ماهمه غير نفسه والله يا بنات شاف من مشاكلها بعينه كثير ما ادري متى بيحس تقولون مخدر اذا شافها يقول لها كل شيء يحاول يضحكها

ياربيييييييييييييييييييه فكني منها ومن شرها


هل شعرتم يوما بالخذلان من أحد ؟؟؟؟؟؟؟؟

جعلكم ما تذوقونه يجتمع فيه القهر والياس والضعف والمذله بوقت واااااااحد

سامحوني على الكلام الغير مرتب بس احس اني ارتحت شوي ارجوكم تحملوني شوي وتحملوا دموعي

اعذروني