جوري10

جوري10 @gory10

عضوة فعالة

زوجي خساااارة فيه وما استاهله !!!

الأسرة والمجتمع

السلام عليكم ورحمة الله وبركاته

ترددت كثير في كتابة مشكلتي وكان نفسي اكتبها من زمان بس ما كانت عندي الشجاعه لكني قررت اغامر واكتبها يمكن القى حلها عند اخواتي في عالم حواء ...
يمكن تستغربون من العنوان او تعتقدون انه اسلوب مبالغه او تشويق لكني فعلا احس اني ما استاهل زوجي وانه خسارة في ولو حالته الماديه تسمح له كان زوجته بنفسي وحده تستاهله احسن مني ..
انا باختصار ولدت في عائلة معقده مشاكلها كثيرة بسبب امي الله يسامحها ويهديها تزوجت ابوي بالقوة وما كانت راضيه عنه رغم ان ابوي طيب ويعاملها احسن معاملة بس سبحان الله تكرهه بقوة وتشتمه وتسبه قدام الكل انا لي اخت اصغر مني بسنه ولدنا عكس بعض تماما بالشكل هي حلوة وبيضاء ما شاء الله عليها لانها تشبه امي وانا لاني اشبه ابوي سمراء وعكسها تماااااااما يعني باختصار شينه وما في ذرة جمال ولاني اشبه ابوي امي كانت قاسيه معي وكانت تفرق بيننا في المعاملة انا واختي فاختي لانها تشبهها كانت تدلعها وتاخذها معها للاسواق والزيارات والحفلات بينما انا كانت دايما تخليني بالبيت مع اخواني وعلشان كذا اختي صارت مرحه واجتماعيه وانا صرت عكسها انطوائيه وما عندي ثقه بنفسي وكبرت وانا اشوف اختي احسن مني بكل شي وامي دايما تمدحها وانا تشتمني لدرجه كانت تقول لي انتي ما راح تتزوجين وهذا شكلك !!!
والحمد لله ان تفريقها بيننا ما اثر على علاقتي مع اختي كبرنا وحنا متفاهمين ومرتبطين ببعضنا وما نتستغني عن بعض لدرجه اننا تزوجنا اخوان ومن هنا بدت مشكلتي الحقيقيه ...
انا الحين لي 6 سنوات متزوجه ورزقني الله بزوج حنون يحبني ويحترمني وطيب معي وفوق كذا رومنسي معي وطااااير في لدرجه انا مستغربتها ولحد الان يسمعني يوميا كلام حلو ويشوفني ملكة جمال رغم اني تقريبا بشعه حتى اخواني الله يسامحهم كانوا يستهزئوا بشكلي ويقولون لي الشيفه لكن زوجي غير زوجي مو شايف عيوبي ابدا رغم اني ملييييانه عيوب وكل عيوب البشرة والشعر موجوده في لان امي وانا صغيرة كانت مهملتني وما تهتم في ..
بداية زواجي حاولت اعالج مشاكلي وعيوبي واستخدمت خلطات وكريمات لكن بدون فايده واقتنعت اني راح اظل البطه السوداء وكل ما اقارن نفسي باختي وجمالها اكره شكلي اكثر لدرجه اني من يوم تزوجت ما البس الا قمصان نوم ساترة وزوجي ما عمره شاف جسمي بدون ملابس حتى بالعلاقه الحميمه احرص ان الغرفة تكون مظلمه لاني متعقده من شكل جسمي ..
وياليت المساله وقفت عند كذا انا ما عندي ذرة رومانسيه واحس اني جافه احب زوجي بس ما اعرف اعبر بالكلمات واعجز اقول له كلام حلو رغم انه رومنسي معي ودايما يقول لي انه يحبني ويموت في بس عجزت اغير طبعي الجاف احس ان قسوة امي معي وانا صغيرة خلتني معقدة بالرغم من ان امي تغيرت الحين وصارت معاملتها لي زينه يمكن لانها شافت اسلوبي معها لاني الحمد لله كنت صابرة على معاملتها ولا عمري رفعت صوتي عليها او اشتكيت لاحد لانها مهما سوت هي امي وجنتي تحت رجليها ..
انا مشكلتي الحين مع زوجي اخاف يجي يوم ويمل مني لاني ما اثق بنفسي وما اكشخ وفي المدة الاخيرة اهملت نفسي وزاد وزني وصرت مقتنعه اني راح اظل قبيحه خصوصا ان اختي دائما معي في المناسبات لاننا متزوجين اخوان ودائما يقارنون بيننا ويمدحون شكلها وانها حلوة وانا عكسها بينما اذا مدحوني فهم يمدحون اخلاقي وطيبتي بس ..
انصحوني وشلون اثق بنفسي وبشكلي وشلون اقدر اغير معاملتي لزوجي احيانا احس اني معقده وابغى علاج نفسي ..
29
18K

يلزم عليك تسجيل الدخول أولًا لكتابة تعليق.

تسجيل دخول

** اميرة المنتدى **
اختي مشكلتك ماعندك ثقه في نفسك
لازم تعرفين انه مثل ماهو موجود اجمل منك بعد موجود الابشع منك
الله خلق الجمال متفاوت
وكثير نشوف ناس جميلين وبياض وجسم لكن تنفرين من اخلاقهم وتصرفاتهم
والعكس صحيح

الحين الاهم في حياتك هو زوجك امك مساله ماضية وانتهى وقتها خليك بزوجك واهتمي بنفسك وببشرتك وشعرك
لاتقارنين بينك وبين غيرك
وطالما الحمد لله زوجك طيب ويحبك ومايشوف عيوبك هالشي يشجعك اكثر
ورددي دائما اللهم اجعلني قرة عينه
بنت خاقوقيهـ
بنت خاقوقيهـ
الله يجملك في عيون زوجكـ وياي يارب العالمين ..

ماعليك وانا اختك .. الثقه .. موشرط تكونين فيها جميله ..

اهم شي .. تكونين مطلعه .. وفاهمه ..

وبعدين وش يهمك اهم شي انتي عاجبه زوجك صدقيني لو مايشووفك حلوه مامدح فيك

ومو شرط يكون الواحد يحب زوجته لانها جميله ..

ممكن يشووف فيك اشياء اكثر من الجمال ..

الله يوفقك يااختي وسعي صدري زابسطي زوجك .. وانبسطي معه ..

دعواتك لي ان الله يوفقني في زواجي ..

ويجملني في عين زوجي ويجمله في عيني
أم فرح و خديجة
و عليكم السلام و رحمة الله و بركاته

حبيبتي ايه الكلام ده؟؟ اهدي شوية و تعوذي من الشيطان الله يلعنه و يخزيه
زوجك و يحبك و يعشقك و عاجبه شكلك و أنت الحمد الله باين عليكي طيبة و هادئة و أخلاقك حلوة
ليه كل التعقيدات الي انت عاملاها في نفسك؟؟ الله سبحانه و تعالى عوضك عن حنان أمك بحنان زوج رومنسي
و عوضك عن احساسك بالنقص بحبه و عشقه ليكي
احمدي الله يا غالية و خليكي مؤمنة و راضية
تصوري لو كان زوجك يقلل من شأنك و يعايرك أو يستهزأ بيكي أو متزوج عليكي, تعملي ايه؟؟
و ما تقولي هو أحسن مني, عشان هو بيحبك مثل ما انت, بيحبك بسمارك الحلو, و بأخلاقك الطيبة, و بروحك الحلوة
اللبس و الشعر و الماكياج ما هي الا أدوات, و كله نعمة من عند الخالق
بصي كويس لزوجك و لمعاملته ليكي, و اتقي الله فيه, اكشخي و البسي و تزيني, لو مش عارفة تتزيني روحي عند كوافيرة و هي تاخذ بالها منك و تعملك شعرك و تعطيك ماسكات مناسبة لبشرتك, و تقوي على نفسك و اعملي ريجيم عشان تثقي بنفسك
الجمال زاااائل يا حبيبتي, الحلاوة حلاوة الروح, ان شاء الله بعد 25 سنة تكوني كبرت مع زوجك و كبر حبه ليكي و حبك ليه و وقتها كلنا راح نكون شوي عواجيز :)) و الي هيبقى هو الأخلاق و المعاملة الطيبة, و الذكريات الجميلة

و طمنيني عليكي يا قمررررررر, و الله أحبك في الله :)
العووشزية
العووشزية
احمدي الله على تمام خلقه لك
واستشعري نعمه عليك
واجعلي حب زوجك لك وإعجابه بك مصدرا لثقتك بنفسك
ولاتنسي الدعاء بكل ماترغبين فيه الله وحده هو المالك والمعطي والمتصرف والقادر على كل شئ
دعوه شخصيه
دعوه شخصيه
ياقلبي ما ادري انا اشوف انه مافيه انثى شينه الا الي تهمل بنفسها بالمقابل فيه بنات ملكات جمال
لكن قمه الحوسه والوصاخه
بعدين وش ازين من الاخلاق
غير هذا ربي رزقك بزوج اذكري الله على نفسك
ماينتعوض ومدام هو شيفك حلوه ومايشوف عيوبك
ليش انتي ماتهتمين بالامور الي انتي تأثر فيك نفسيا..
ومو كل سمرا شينه ياختي ربي ماحط الملح كله الا بالسمر..