زوجي خطب موظفه عشان الراتب

السلام عليكم ورحمة الله وبركاته

انا متزوجه من 11 سنه عندي ولد

زوجي من النوع اللي مايهتم في موضوع الانجاب لانه وبكل صراحه مو قد المسؤلية
ولا عمره قالي عالجي عشان تحملي

حياته كلها استراحات وبرا البيت
البيت مايهتم فيه واذا احتجنا اغراض يطلع عيني يالله يجيبها

غير كذا مادي مرره ومجنني على ذهبي من اول شهر من زواجي

ومكافئات الكلية

وحاليا موظفه في مدرسة اهليه
ومجنني في راتبي واعطيه منه الف ريال
ومن غير راتب الشغاله ومن غير بعض مصاريف البيت
صحيح لما اجي اطلبه يعطيني يعطيني 100 و 200
لكن متاكد هو ان راتبي مايبقى منه شي
وجاب سايق ويجبرني ادفع راتبه
وامه خواته هم اللي يروحون معه على حسابي
ولما اقوله تبي السايق لاهلك ادفع انت راتبه
والله يابنات لهم مواقف كثير معي بعد السايق مع اني ادفع راتب السايق والبنزين

والله يابنات انه يقولي لو تتوظفي راح افصل وانتي تتحملين المسؤولية
ويقولي تشترين لي جيب

وبتزوج عليك وحده موظفه عشان تتحمل ايجار بيتها وتتحمل مسؤليتها


وطبعا اهله يكرهوني من اول وبعد السايق زاد الكره


قبل اسبوع جيت من الدوام واتصلت عليه قلت له تبي اسوي لك عشا
قالي لا وابيك في موضوع

ولما جا تخيلوا وش قالي

قال خطبت وابي اتزوج. وحده عمرها 24 وموظفه وبنت. اخت خوي عرضها علي

وكان فرحاااااان. وهو يقولي ماراعى مشاعري
انا طلعت لاهلي وهو عادي ولا يتصل ولا يسئل
كلمني بس مره عشان ولدي وسئلته شفتها قالي ايوه حلوه وطويله وبيضا

ورفض يقولي اسمها وبنت مين

وقدرت اعرف هي بنت مين بطريقتي

واكتشفت انها اكبر مني بسنه عمرها30
وسمره ومو حلوه وملامحها خشنه والكل يقول كنها سرلانكيه
ولد عمتها خطبها وشافها في النظره الشرعيه ورفض يتزوجها

انا مااقول كذا شماته لكن ليه يكذب علي ويقولي صغيره وحلوه وبيضا وهي عكس كل شي يقوله


لي اسبوع عند اهلي واتصل علي قبل امس وقالي ترجعين لبيتك بدون شروط بس ازين لك البيت


ووغير كذا مالك شي عندي

قلت له اول كنت ادفع واصرف في البيت هاللحين مالي دخل

قالي انتي تدفعين قي بيتك وهي تدفع في بيتها

وهو وش دوره يجمع حريم


يابنات ادعوا ن هالزواج يخرب ويفكني من شرها

عناد فيه وعساه خساااره الزواج ونطامه يعيشها طول عمره