الله يكون فعونك وانا بعد راي من راي ام وصال ...اتجهي لله والله هو تعالى اللي بيحل مشاكللك وعلى قولتها سكري اذنك عن اللي يقولوا واطلبي الحل من الله ...

طمنينا عنكي؟

ان شاء الله الامور تغيرت الله يفرجها عليكي

والله ماني عارفة كيف اشكركم صحيح الدنيا لسة بخير بالنسبة لاخر الاخبار انه مافي سفر لي اليوم واخوي مابطالع وحسيت ان كل امالي تحطمت وكرامتي انهانت لان اخوي خيب ظني فيه وياليت علىكذا ولا فكر يتصل فيني وخواتي اتصلو فيني وقالو لي انه اتفق مع زوجي على انه يرسلني يوم الجمعة وانا خايفة انه يضحك علينا ومو براسلني المشكلة انه ابوي مايدري لاني خايفة عليه توه طالع من جلطة وماعندي استعداد اخسر ابوي عشان واحد مايستاهل فخواتي قالو اصبري لين الجمعة وانشالله يصير خير
بالنسبة لقوة الشخصية ماهي طليقته كانت شخصيتها قوية مررررررررة وما نفع معاه صدقوني انا بديت امن ان زوجي مريض نفسيا لان كل شوي على حال على فكرة يوم قالي انقلعي بيت اهلك وقلت له ماني طالعة هذا بيتي قالي موبيتك واذا بتقعدين اقعدي في ركن زي الحيوانة لين تموتين ترى انا لو رديت يسمعني كلام جارح وانا بصراحة مااتحمل على طول ابكي مااقول غير حسبي الله ونعم الوكيل ياريت تدعون لي اني اسافر باسرع وقت ويارب يصدق ويخليني اروح الجمعة لانه يبغاني اروح لامه عشان اقولها واسلم عليها وكمان عشان تسمعني كم كلمة تبرد قلبها شوي تصدقون راح يقول لاخوي اني انا مسوية مشاكل وابي اسافر واني قاعدة اضغط عليه واني اسبه كل شوي شفته التبلي كيف حسبي الله عليه

المتفائلة ياليت تفعلين الرسائل الخاصة .. باسرع وقت

حبيبتي .. اعذرني ما قدرت انتظرك تفعلين الخاص ..
قلبي يعتصر عليك وعلى حال من هي في نفس وضعك ..
اعذريني حبيبتي لو قسيت عليك .. بس والله انه من خوفي عليك ..وعلى كرامتك ..

اولاً وقبل اي شي .. ابيك تعرفين ان كل اللي جالس يصير لك .. انتي مالك ذنب فيه ..
المشكلة في زوجك ماهي فيك .. ولا تسمحين لنفسك للحظة وحدة تفكرين انك السبب .. او انك غلطانه ..

حبيبتي .. ليش ارخصتي نفسك ؟
ليش ضيعتي كرامتك ؟؟
حبيبتي .. تابعت كل مواضيعك .. كلها .. من المشاكل الصحية لبنتك .. إلى مشاكلك مع هذا الرجل !!
ليش سكتي ؟؟ وإلى متى تسكتين ؟
لا استطيع ان اقول مثل ماقالو الاخوات .. خلي اذن من طين واذن من عجين !!
ولا اصبري .. وتحملي ..
ليس ذنبك ان زوجك مريض نفسياً ..
ليس ذنبك انه فاشل في حياته العاطفية .. وفاشل بالثلاث ..
تقولين مطلق مرتين ؟؟ حبيبتي لو تطلقتني منه محد حتى بيشك ان العيب فيك
لا تخافين من الناس ولا من المجتمع .. خافي على نفسك وعلى نفسيتك .. على شخصيتك .. على كرامتك ..
في احد مواضيعك .. ذكرتي ان بنتك نحيفة وهزيلة .. ولا تأكل ولا عندها شخصية ..
حبيبتي ... الا تعلمين لماذا ؟
طفلة عمرها 4 سنوات .. تعيش في جو مشحون .. بالكره .. والسب .. والإهمال ..
كيف تبينها تصير ؟

الطفل يعتقد ان كل المشاكل بسببه .. وهو لا يعلم .. ولا يستطيع حتى ان يفسر ..

حبيتي .. اتركي هذا الشخص .. اتركيه ليس من اجلك .. فقط .. بل من اجل بنتك .. وحتى تصلحي ما افسده الدهر .. وتتداركي مع بنتك الصغرى ..

حبيبتي .. زوجك يريدك ان تذهبي .. يريدك ان تخرجي من حياته .. قالها صريحة .. لماذا تفرضين نفسك عليه .. فهو لا يستاهلك .. ولا يستاهل طيبك ..
الله اعلم مافي نفسه .. مسكين .. مرضه النفسي شائك .. ولا يقدر على علاجه الا هو .. عندما يدرك انه مريض ..
انتي لا تستطيعن ان تغيريه .. اتركيه ..
واذا ربي هداه واصلحه واتعالج .. وشعر بالنعمة التي كانت بين يديه سيعود .. وانتي وقتها القرار لك ان تأخذيه ام ترفضيه ..
لكن الآن .. لا حياة لك معه ..
لاحياة لك مع شيء يوصفك بالحيوان ؟
لا حياة لك مع شيء يهينك و يسلبك كرامتك ؟
لا حياة لك مع شيء يقول ماتبين تطلعين من البنت انطقي زي الحيوان بالزاوية ؟
انتي لا تستحقين ذلك ..
وهو لا يستحقك ..
ارحمي نفسك .. ارحمي ابنتك ..
ارحمي اهلك .. ولا تعودي اليه ..

فهو لا يريدك .. ليس هناك تلميح واحد منه انه حتى يستلطفك ..

بناتك يحق لك ان تاخذيهم .. ما راح يمنعونك بالمطار انتي متنقلة داخل المملكة .. ماراح يسوون لك مشاكل ..
وهو ماراح يخلي بناته لانه مايعرف كيف يتصرف فيهم ..

حبيبتي .. اوصيك .. عندما تركين الطائرة .. وتستقرين في مقعدك .. وتغلق ابواب الرحلة ..
ان تنظري من النافذة .. وتقولي وداعاً لك ايتها الإهانة .. وداعاً لك ايه العذاب ..
اهلا بك ايتها السعادة ... اهلا بك ياتها الكرامة .. استعيدي نفسك وكرامتك مع كل ثانية تبتعدين عن هذا الشخص .. لا تسعي للطلاق .. لا تسعي للمشاكل .. لا تسعي لشيء .. فقط ركزي على نفسك .. استعيدي نفسك .. استعيدي ابنتك .. لاتحزني احمدي الله ..

اذا تجاهلك .. ولم يبادر بالتغيير او العلاج .. ودعيه .. وصدقيني لن تندمي .. ربي سوف يعوضك بخير منه .. وبحياة اكرم من حياته ..

لا تزعلين مني لو كنت جارحة او قاسية ..
والله اني اكتب لك وقلبي يعتصر الماً .. وحزنا .. اسألك بالله ان لا تغيبي علينا .. بتابع قصتك .. واتمنى تعلميني ايش صار ...

حسبي الله ونعم الوكيل ..
اللهم فرج همها .. اللهم فرج همها .. اللهم يسر امرها .. اللهم اعنها .. اللهم اعنها ..

ارجوك انا مستعدة حتى بالمراسلة عبر البريد الخاص .. لكن فعلا ابي اعرف ايش صار عليك ..

الله يحفظك وبناتك يارب ويهديه ويصلحه ويشفيه ..