حسبي الله ونعم الوكيل

والله كرهت الرجال من هالسوالف

الله يعينك ويصبرك بس حاولي اختي انك تمتصين غضبه علشان بناتك والله انشاء الله مايضيع تعبك وكل شي بأجر وادعو لك من كل قلبي ان الله يسخره لك وحاولي تغيرين من اسلوبك معه واحتسبي الاجر.

مادري اش اقول غير حسبي الله ونعم الوكيل في زوجي وامه اكيد في منكم قرا عن مشاكلي مع زوجي واهاناته لي على اتفه الاسباب دوم يحقرني ويهيني ويعايرني بالحريم واني ماانفع في شي واسكت يسبني باوسخ الكلمات واسكت دوم يقولي انت مو متربية وهذا كله قدام بنتي اللي عمرها 4 سنوات والله العظيم يمين احلفه اني ماني مقصرة معاه في شي بس مو عاجبه ظالمني حتى حقي الشرعي هاجرني فيه متجاهلني ولا كني موجودة بالبيت غير اني شغاله بس البي طلباته وساكتة في الاخير راح يشكيني عند امه اني مااقوم ببعض الاشياء في البيت والله انها تافه الاشياء وبعد يكذب لاني مافي شي مااسويه له المهم امه ماكلمتني في الموضوع بعدها بدا يسبني ويقول كلمي ابوك ياخذك قلت انت ماتبغاني نزلني لاهلي قالي دبري عمرك الحين تتطلعين واتصلت على ابوي تصدقون يوم طلب ابوي انه يكلمه مارضى وخله ابوي ملطوع على الخط ابوي حس بالاهانة وقفل على طول راح لامه وقالها انا تعبان مريض واني انا قاعدة فوق راسه الا يكلم ابوي كله كذب المهم اتصلت على امه وشكيت لها اللي يسويه ولدها فيني وانه طردني قالت اشلون يعني مسك لك عصا وخلاك عند الباب اصبري اش تسوين قلت ماترضيها على حد من بناتك قالت لا وبعدين ليش تروحين تشكين ابوك وراحت تانبني وتفهمني انه ولدها مو غلطان واني لازم اقوم بواجباتي عدل حلفت لها اني ماني مقصره معاه في شي بعدها رحت لهم تدرون اش سوت ماعطتني وجه ولا عبرتني وكل مااكلمها تجمدني وقالبه وجها عني رغم اني عمري ماغلطت فيها ابدا وبعد ما طلعت بناتها يقولون حرام ردت عليهم وقالت مالكم شغل لاتتدخلون ماحد قالها تشكي ابوها طلعت انا اللي غلطانة ورجعت وولدها قايم علي بس اهانات وابوي يبي يجيه عشان يتفاهم بس اخواني قالو له اللي مارد عليك بالتليفون تبيه يواجهك ووهو قالي لو ابوك جا عند بابي ماراح استقبله واواجها تبين تنقلعين عنده مع السلامة انا ابي الحل اروح لاهلي واطلب الطلاق بس خايفة ياخذ بناتي مني والله العظيم اني طول الوقت ابكي بحرقة من الظلم اللي صاير فيني ياريت تعطوني الحل رغم ان الناس يقولون مو كفو ياخذ بناته لانه ما يحب يتحمل مسولية بس انا خايفة ياخذهم عناد وانا مااقدر اصبر دقيقة عنهم وفي نفس الوقت ماني قادرة اتحمل اكثر ساعدوني الله يخليككم

الله يعينك وش هذا تسمونه زواج؟؟؟

لا حول ولا قوة الابالله العظيم
اسأل الله الواحد الاحد الفرد الصمد الذي لم يلد ولم يولد ان يفرج عن اخت اختي متفائلة جدآ
اللهم آمين يارب العرش العظيم
اختي نحن نبي نساعدك و البنات ما راح يقصروا بس نحن نضل بشر المنجي هو الله هو الذي يساعدك ويفك كربك وهمك
وحسبي الله على كل ظالم