زوجي خيب ظني

حبيباتي انا اول مره اكتب هنا بس بعد ماضاقت بي الدنيا

زوجي احبه واحس او المفترض يكون لي الحبيب والصديق الي اشكي له
وافضفض له عن الي مضايقني ويهون علي ويساعدني
لاني بصراحه ماعندي اصدقاء

الي حصل اني دايم اذا احتجت له ماالقاه جنبي يشوفني متضايقه مايسألني حتى وش فيك

الخميس صارت لي مشكله كبيره وانا في الاستراحه مع اهلي وتصلت عليه يجي ياخذني وكنت منهاره وتعبانه
وابكي جا ووداني البيت وسالني وش صار وعلمته وكنت محتاجه له يخفف عني ويحضني او اقل شئ يقول يله نطلع نتمشى يغير جوي
والله يابنات طلع راح يسهر في الاستراحه مع اصدقاءه وما جاء الى اربع الفجر
انقهرت منه وانى الي رفضت اروح مع خواتي وامي ورحت معه
حسيت اني ولا شئ عنده رحت ونمت وبلعتها واليوم الثاني العصر واخذ الولدين اولادنا وراح لأخوه وقاله خلينا نروح نتمشى ونتفرج على المطر في الوادي ولا قال باخذها معي تغير جو
قال أخوه لا أنا باخذ زوجتي أتمشى بها وقتها دق علي جوال وقال تروحين معي يله تعالي
ونزلت فرحانه اطامر ويوم ركبت السياره وعلمني القصه ضاق صدري يعني أخوه إهتم بزوجته وقال بطلعها وهو من البدايه مااهتم فيني ولا فطر ياخذني
جلست بجنبه في الليل قلت له انت زوجي لازم نعبر لبعضنا عن الي بداخلنا ومن ها الكلام الحلو
وهو منسدح ومغمض وسافهني والله قاعده اكلم نفسي حاقرني وما يرد علي اقوله حرام عليك تكلم معي عشان نحل مشاكلنا سافهني ويقول يله اطلعي عني ماعندي شئ اقوله ( وعلى فكره هذا طبعه مايناقشني ويكلمني فأي مشكله اوشئ اذا قلت خلينا نتكلم يسفهني ويحقرني)
ادري طولت عليكم بس تصرفه قهرني خيب ظني فيه احسه مو مهتم فيني ماالقاه اذا احتجت له

لوك مكاني وش رايك في الموضوع
يهمني رايكم

وشكراً