.زوجي دائماًيحرجني قدام أهلي بتصرفاته الوقحة .تكفون كيف أخليه يتأدب ؟؟

السلام عليكم ورحمة الله ..
يابنات لي يومين ماأكلم زوجي ..والسبب قلة أدبه مع أهلي ..والله مو من كثر مايجوني أو حتى يباتون عندي مع إنه مابيني وبينهم إلا 100كيلو..
دائما يسوي واقف محرجه وإذا ناقشته وكلمته يقول أنا ماقصدي شي وإنتي موسوسه .
.ودائما هذا رده لكن كذاب والدليل ..اخوي دوامه بالمدينة إلّي أنا فيها وكان تعبان قلت أخر يوم يبات عندي وإذا انتهى دوامه يروح لأهلي وجاني الساعة 9 باليل جلس معي ربع ساعة وقال عن إذنك بروح أنام ..لأن دوامه شفتات وراح يداوم اليوم الثاني 6ونص الصبح وغير كذا الله يثبته ويحفظه له تقريبا 4شهور قاطع الدخان الله يثبته ولا يبي روح لأصحابه لأنهم مدخنين ولازم اللي يقطع التدخين يقطع أصحاب التدخين ..بعد دوامه قلت له يمر علي لأني بعطيه أغراض يوصلها لأمي الله يحفظها طلع إنه خالي موصيه على أغراض مهمه ولازم يشتريها ويشحنها اليوم الثاني الساعة سبعة الصبح..مر علي الله يوفقه الساعة عشرة بالليل ومرة تعبان حلفت عليه إنه ينام والصباح رباح مثل مايقولون ومايسوى عليه متى بيوصل ومتى يصحى قلت نام عندي ونام..قمت اليوم الثاني الساعة 6زوجي حضرته راح لدوامه ..وأنا بالمطبخ إلا أسمع صوت الباب يبي ينفتح لكنه مقفول بالمفتاح؟؟؟؟؟
طلع حضرته مقفل على أخوي الباب اللي يودي للمقلط ..اللي هو نايم اخوي فيها ..
أنا أنصفق وجهي قلت مومعقوله من سكر الباب؟؟تغير وجهي قدامأخوي وسكت..
وأفطر أخوي وطلع ..أنا كنت بصيح من الفشيله ..وأخوي يدري إن زوجي داري إنه موجود..ليه يسوي
هالحركه؟؟لما سألته وناقشته بالشدة وزعل قال ماصار شي دخلت أسوي لي فطور وهو بعد ماجا من المسجد من صلاة الفجر . يعني ماكان موجود يوم قفلت الباب قلت بعد أصلاً ليه قفلت الباب من الأساس ؟؟ليه بعد يوم حضرتك تعرف إنه ماجا من الصلاة ليه ماسويت له فطور معك وأفطرتوا مع بعض؟؟ طبعا قام يخبط في الكلام وأنه ماعمل شي غلط واني ابي المشاكل ويوم قلت له ترضى اسوي هالحركه في وحده من خواتك سكت ولارد علي ..وقال أنا ابي آخذ راحتي في بيتي ..قلت من اللي حابسك وغير كذا تعرف إني نايمه وهو مراح يتمشى أخوي بالبيت لكن لوماصحيت وأنا قافله جوالي ومسكرة الباب علي ..تخيلوا لوراحت علي نومه؟؟
بنات والله طفح كيلي وكرهته وحقدت عليه وعلى أهله..
الحمدلله أهلي ماعمرهم آذوه أو جرحوه بالعكس يحترمونه ويقدرونه ومو منكثر تجمعاتنا معهم ..
والله العظيم فشلني مع أبوي ومع أمي وأخوي هذا بالذات ماقصر مع حضرة زوجي ..
أهل زوجي هم اللي آذوني وجرحوني بكلامهم ومقصرين مع أهلي لايكلمون ولايسألون والله العظيم من تزوجت إلى يومي هذا ماعمرهم رفعوا السماعة في الأعياد ولاحتى في المناسبات حتى يوم صارعندنا وفاة
جدي قعدوا اسبوع ونص بعدين جو..حتى مكالمة مااتصلوا؟؟
ومع ذلك أمي دائما توصيني بهم وتقول الله يعطي كل على نيته ..والواحد يتعامل بأصله وأخلاقه..والحمدلله واثق الخطى يمشي ملكا..والحمدلله أهله ماشافوا مني إلا كل خير ..وهم اللي يحتاجوني مو أنا ..أقابل إسائتهم بلإحسان وصادقه معهم وهم بالعكس..أتساءل هل زوجي محسب إني اسوي كذا خوفا منهم ..وهذا أغلب ظني ما أظن إنه يظن إني إنسانه ولله الحمد خلوقه ودينه وأخاف الله ولاأحب الظلم..وأحب اعامل الناس مثل ماحب إنهم يعاملوني..
والمشكله يوم أناقشه في الحركات إللي حتى الغبي يفهمها إنها حركة مقصودة ..يقول لا حركة عادية وغير مقصودة ..وحلفت له إني بتعامل مع أهله مثل هذي المعاملة اللي على قولته حركات عادية ..
بالله عليكم شوروا علي لا تتركوني أتخبط ..كيف أتعامل معه ومع أهله ..مع إني لاحظت إن اللي يصفطهم ويعطيهم أشكل يحترمونه .
أخاف أهلي يقطعوني ولاعاد يدخلون بيتي ..أبوي يلاحظ هالحركات لكن ساكت وشايل في خاطره ..
.الله يجزاكن الجنه شوركم وهداية الله ..اللهم أرزقني الحكمة وأهدني وسددني
وسخر لي زوجي وأهل زوجي ..وارفع قدري عندهم ورد كيدهم في نحرهم اللهم آميييييين..
آســـــــــــــــــــــــــفة على الإطالة ..لكن تكفون لاتطنشوني ........