اضم صوتي لاصواتكم :(
الصبح على الفطور ساكت وما يحب يتكلم
يطلع للدوام
يجي الظهر تعباان ويتغدى ويطلع فوق ينام
العصر انا اروح للتحفيظ وهو يطلع لحلقات الاولاد
المغرب احيانا نتقهوى سوا واحيانا كثيره يكون في مكتبه يكمل رسالته
العشاء يصلي ويطلع يخلص اشغاله
اذا جا الساعه 11 يفتح النت الى ان يجيه النوم ويجي للغرفه
اذا دخل للغرفه وكلمته قال خليني انام ماعاد الا خير :32:


بس وربي ما اخلي له فرصه يعني اجذبيه بأي شي هو يحبه
احيانا اخذ كتاب وادخل معه في المكتب واقرا شوي واذا طاحت عينه علي عطيته كلمه حلوه لين يضحك من قلبه <<<<<<<<<ان كيدكن عظيم :cool:
ساعات اصير لابسه عبايتي وانتظره بعد العشاء واطلع معه يعني استغل جلوسي معه في السياره للسوالف :)
الخميس الصبح وقت حلو جدا يعني اصلح الفطور مبكر ونقوم ونجلس سوا وقت طويل وجميل
وقت الجمعه قبل اذان المغرب اناديه واجلس انا وياه وعيالي ندعي ربما توافق ساعه اجابه تغنيك عن الدنيا وما فيها ( حتى الاطفال يتعودون عليها )
يعني اختي استغلي كل موقف لا تفوتينه عليك وترا كلنا مو احسن حال من حالتك بس من شاف مصايب الناس هانت عليه مصيبته :19:


تحياتي
ميس وأسيل

السلام عليكم
غاليتي موف فعلا زوجي مايفهم كثير وبسرعه
غاليتي اسبريسو الله يعينا وعقبال مايعرفون حقوق الزوجه
وأحنا صار لنا 3 سنين متزوجين
لما تزوجته ماكان عنده ربع وبعد الزواج التزم
ومن سنه تعرف على ربعه هذولي
يعني كان قبل هل سنه يفهم نوعا ما
أقصد أنا اللي فهمته لأنه ماكان متعود يطلع أهله أو يطلع معاهم
صحيح كان يهملني أول بنشغاله بعمله
بس كنت أقول غصبا عنه مع أنه ساعات يتأخر في العمل
على قولته أخلاص للعمل وللمدير مايطلع الا وهو مخلص شغله
وكان دوامه من 8 الى 12 وكان يجي 2 مثلا
والعصر من 4 الى 9 وكان يجي 10 ونص أو 11
والحمد لله بعد ماجات بنتي ربي رزقه بالوظيفه الحكوميه
وصار مدرس تربيه اسلاميه في هجره
ومايجيني الا اربعا وخميس وجمعه
وأنا في هل وقت أكون مشتاقه له وودي أسمع منه
وآخذ وأعطي معاه
لكن الحمد لله مو كل شي يجي على هواك يابن آدم
مع العلم أني كنت أروح معاه بيت صديقه هذا وأشتغل مع زوجته
في نفس العمل اللي هو يشتغل فيه
لكن أنا أبي أشوفه وأقعد معاه بعد
نسولف نطلع نتعشى برى
والله أني أتمنى أقعد معاه يشرح لي حديث
نقرأ سوره من القرآن ونشرحها مع بعض
هذي تكفيني
يعني على الأقل أنا أولى من ربعه في هل أمور

أتمنى أسجل في تحفيظ القرآن
لكن تمنعني أسباب
1 بنتي عمرها 7 شهور هل فيه تحفيظ القرآن حضانه؟
وأنا ساكنه في الرياض وأهلي في الشرقيه
وساكنه مع أهل زوجي صحيح
بس عمتى ماتحب تمسك صغار طفشت من التربيه
والشغاله ما أقدر أأمن بنتي عليها
2 ماعندي سياره توديني وتجيبني .وهل فيه باص يودي ويجيب؟؟
لأن زوجي زي ماقلت لك ماهو عندي في هجره ومايجي الا الأربعاء
3 أنا ساكنه في حي الوزارات ؟ وين دار التحفيظ فيها لو عندكم خبر؟
بس هذي اسألتي لو كان لها إجابه عندكم أكون لكم من الشاكرين
والله أتمنى أكون في هل دار محد يكره

بنت الحرية ملاك
وجوزيتي خيرا غاليتي

اللؤلؤه الذهبيه وأم العيون المكحلة و$ أم الغالي $
تسلموا على المرور

ملكه النحل ماشاء الله عليك وأنشاء الله أصير زيك

أسرار البحر
أقول جيتك أشكي لقيتك تشكي
نفس كلامك هذا هو اللي بقوله بس من حرتي أمس ماقدرت أتكلم أكثر
((لو كان الأزواج يتعاملون كالأحبة والخلان لكانت العلاقات الزوجية الآن تختلف لكن هيهات أن يتغيرون الرجال))
وعندي سؤال بيني وبين نفسي أسأله دايم
أنا الحين أتعامل معه كزوجه وحبيبه وأم وأخت وصاحب وكل شي بحياته
لكن شكلي بعد فتره بتعامل معاه كزوجه بس
إذا أستمر على هل حال
راح أأدي واجباتي واللي علي وأفكر بعدها بنفسي
وياريت تقولين لي أيش أسم الشريط؟؟؟
والله يسعدك ويهون علينا أجمعين

أختي مهى معاك حق والله يهنيك بزوجك

نسيم الود
أنا معاك في كل اللي قلتيه
بس مشكلتي أني ساكنه في منطقه كلها من الجنسيه الهنديه
نادر ماتلقين سعودي فيها
وأصلا تخافين تطلعين من بيتك
وماعندي أهل في الرياض أبدا
وعندي صديقات
بس بحكم أنشغاله الدائم ما أقدر أروح لهم الا خميس وجمعه
وهم في هل يومين ينشغلون مع حمولتهم
يعني بالعربي وحيده مالي غير الله ثم زوجي وأهله
حتى أهلي ما أقدرأكلمهم دايما
عشان كذا حاطه املي فيه بعد ربي

shanar
اهات حزينة
ميس وأسيل
تسلموا يالغاليات على المشاركه

حبيباتي في عالم حواء
كنت أحسب أني لحالي في الدنيا اللي زوجها مشغول عنها
وأكتشفت أن في غيري كثير
معك حق أختي نرجس
لازم ما أخليه أكبر همي وهذا هو اللي بيصير لو هو ماحس فيني
وبحاولأطبق نصايحكم بحذافيرها
وأنشاء الله أعطيكم آخر الأخبار