زوجي دائماً يظلمني ويفكر نفسه فكل شي صح

صباح الخير
بنات انا متزوجه لي4 سنوات وعندي طفلين. وزوجي نفسه ما تغير أبدا أبدا أبدا
لما كنا مخطوبين وعدني انه بنسافر شهر العسل وانا صدقت وجهزت ملابس السفر انا واهلي وحتى تسلفنا لان مهري وايد قليل. وبعدما تزوجنا مصار شي وقال انه صارت عنده ظروف. وجلسنا كم شهر دعشوهو ما عنده وظيفه بس نوم وسهر والسيارة الي كانت فأول يوم زوجنا يطلعني بعض المشاوير طلعت سياره اخته كم يوم وأخذت سيارتها وصرت اركب بيك اب وبعدها راح منطقه بعيده يعمل فيها وطول هناك وكل يوم اكلمه وكل يوم مشاكل وانا كنت حامل وولدت لما هو فاجازه اسبوع والحمدلله انه صادف فاجازه. لو هو مب موجود كان من راح ياخذني المستشفي واهلي ما عندنا سياره. المهم ولدت وجلس كم يوم وخلصت إجازته وراح وتعبت انا نفسي اروح اخذ طفلي مواعيده وايد عانيت. امي تعبانه ما تقدر تطلع من البيت وأم زوجي تطلع زيارات لصديقتها ولا كلفت نفسها مرة وحده تروح معي نشل الطفل لموعد. وزوجي عارف وبعد يغطي على اهله وانهم زينين. ومرت الايام وكنت اطلب منه مصروف ويرسله لي واخذ فيه اغراض الطفل ولي. هو حاسب مصروف لطفلي بس وانا بس كذا يريد اهلي يصرفو علي. قلتله انت زوجي وانا اريد مصروف وبعد مشاكل وافق وعطاني مبلغ بسيط. ومرت سنه وقربوه لوظيفه في نفس المنطقه وحن نفس الروتين ما تغير شي. خذله سياره صغيره. وبالنسبه للطلعات مافي لا لي ولا لعيالي هو بس عليه يداوم وينام ويطلع مع ربعه. واذا جبت له طاري السفر يقول ما عندي!  والحين لما توظفت صرت لما اطلب منه نسافر يتحجج انه ما يقدر او يطلب مني انا اروح مع اخواني واخذ عيالي تعرفو ليش عشان انا اصرف على عياله لما نروح نسافر. عشان كذي هو ما يريد نسافر عشان ما يخسر فلوسه علشاننا بالرغم من ان راتبه زين.. من قبل لا أتزوج وانا اتمني زوج يغير لي حياتي لكن شائت الأقدار ان تكون حياتي ممله ونفس الروتين وظلم..
هو ما يريد يخسر فلوسه علشاننا لانه يحب اهله وايد ويستحي يقول لامه ما عندي فلوس. او خلصت فلوسي. بالرغم من انه امه تاجره.