شوفي حبيبتي الظاهر والله أعلم
إن إلي كل شوي يقول لزوجته روحي لأهلك و لا يهددها ترى برجعك لأهلك عادة
ذا النوعيه ما يمكن يستغني عن زوجته وبرضو يكون شايفها متعلقه فيه
ويلعب ع الوتر الحساس لكن لو تقولين له ترى زهقت من سالفة بوديك لأهلك و روحي
لأهلك خلاص طالما عايفني ودني ولا تحلس تذلني عند ذا السالفه مافيه شي بيت
أهلي ع الأقل ماراح ينكدون علي ويبكوني قهرررر
الرجل من هالنوعيه والله العالم ما يتأدبون إلا إذا وضحت لهم الزوجه إنها قادره
تبيعه ولا همها شي هنا يعرف إن الله حق هذا بخصوص سالفة الطرد

أما بخصوص خشه عند مين معزوم هذي آمرها بسيط بإذن الله
جربي تضربينه طناش وتغيرين أسلوبك مثلا يا قلبي قالك معزوم
فاجئيه بالرد الجهنمي الغير متوقع منك قولي بحفظ الله ورعايته وبسسسسسسسس
صكي فمك بعدها لا تقولين وين ولا ما وين وخلي هالأسلوب دايم معك
لإنه الرجل في الغالب يحب العناد ساعات عقولهم صغيره الله يصلحهم
شاف هالسالفه حارقتك قام يتفنن فيها حتى روحته لأخوه ما يقولك ! شفتي كيف ؟
لذلك لا عاااااد تسألينه و أثقلي وسوي نفسك مو هامك و هو من نفسه بعد مايتعود
على أسلوبك الجديد بيجي ويقولك بس أنتي إبلعي العافيه

و الله ما بعرف شو بدي احكيلك الرجال هالأيام الله يهديهم انا زوجي امه بتتحكم فيه و خلت الأمور توصل بيني و بينه للطلاق ادعيله عالأقل زوجك شوره من راسه مو امه بتلعب بحياته لعب بضل أشوى من الي عندي حاولي دخلي طرف تالت يتفاهم معه

منجو ما شاء الله عنك كلامك موزون و سليم حاولي اطبقيه يا شذا الورد

يالبى مانجو ههههههه روعه كلامك كفيتي ووفيتي 
دواه روحي لاهلك وجربي وش بيصير ماعليك ماراح تفقدينه شوفي روحي لاهلك بس لاتكبرين السالفه او هوشه كبيره لا بمجرد مابيقول روحي لاهلك قولي يالله مشينا ..
وامشي ع كلام مانقو لاتسالينه طنشيه لامن دق ومن عازمك ولا شسويت جربي
وبعد كثري استغفار والله يسخره لك

شكلك من نوع الحريم الي تبين لرجاااال انها ماتقدر تستغني عنه ونها بدونه ولاشي حتى صار يستقوي عليك ولافكر فيتس ولا في خاطرك عرف انه لو يضربك ويهينك بتسكتين له وتجلسين عنده وتحملين اذيته لك واهانته في سبيل انك ماتبعدين عنه اقولك قصة جارة اختي وحده فرطت في زياراتها لاهلها حتى زوجها يقولها بوديك لاهلك تزورينهم وهي تقوله لا مابي اروح لهم وتجلس عند زوجها بسنوات تم 4 سنوات واكثر وبالقوه يوديها لاهلها ولاتجلس الااسبوع وبس تكلم في اهلها
عند زوجهاو لا تكلم اهلها حتى تلفون!!! ولا سئلتها اختى تقول الرصيد مايكفي الا امها يحرم هي من تدق عليها
و بعدين تعالي شوفي الرجال استقوى عليها زوجها وتغير معها والله وصار يهينها وينافخ عليها ومايجبلها واولادها اغراض البيت ولا يطلعهم كانت تشكي على اختي واختي قالت غريبه هو من اول تسذا او تغير تقول لا في الاخير تغير قالت لها اختي اكيد لانك ماغليتي اهلك وتشتكين منهم عرف مالك سند وانك بتحملين اي شي يسويه فيك بس حتى تظلين عنده تستاهلين ماجاك المفروض اهلك سندك وتغلينهم لو هم مايطقونك وتبين له انك عندك حد يدافع عنك ولك بعد الله اهل وانك تقدرين تستغى عنه لاضطريت لهذا وقالت من الحين دقي عللى امتس وكلميها حاولي انك تكلمينها عنده وكلميه انك تبين تزورين اهلك وبينيله انك تغلينهم اذ سئلك عن التغير قولي عرفت اني غلطانه بحق اهلي
الرجال مايتقوى على المره الا لاشافه متمسكه فيه وميته عليه
بعدين موضوع الخش عادي اشوفه
لو تشوفين اختي لمن يقول معزوم ماتسئله حتى زوجها مستغرب حتى بعد مايرد من عزيمه ماعمرها سئلته وش سولك وش قدمولك وش حطولك زوجها سئلها مره ليه ماتسئلين اعرف ان الحريم ملاقيف وانتي ماشوفك كذا قالت مالي شغل انت المعزوم ومالي يدخل وش سوو وماسوو انت لو معزومه عند حريم يخصك وش جابو وش حطو ماظن وبالعكس زوجها بعدها عادي حتى عزايم صار مايروح كثير الا الي واجب