مشكورات خواتي عالردود من ناحية مشاكل ما في مشاكل بينا المشكله انه هو قاسي
صح انا اغلط والانسان مو معصوم بس اهو ما يعرف اسلوب التفاهم ما عنده الا اسلوب العقاب
اااخ بنتي ما ادري ليش يسوي فيها جذي قلبه قااااسي اهو يحبها بس يمكن ليش يبي يختبر صبري يقولي انا ماخذج صغيرة علشان اربيج واعلمج على طريقتي مع العلم اني تزوجت وعمري 17 والحين 18....
الحمدالله على كل حال
ادعوولي

لا اسفة هو قلبه مو قاسي ....

هو مريض نفسيا !!!

وسامحيني اختي اذا قلت لك انك انتي بعد عندك مشكلة كبيرة ... وكبيرة جدا !!!

كيف تقولي ...مافي مشاكل بينكم و هو يكفخك و يسبك و يكفخ بنتك وووو !!!!!

اختي انتي عندك مشكلة كبيرة وانا بصراحة ما ودي اجرحك بالكلام ...

وهو تتوقعي ليه تجرأ عليك ؟؟؟ ... لانه ما لقى من يوقفه عن حده ... وبيستمر اكثر و اكثر وبيهينك اكثر و اكثر ...طالما مافي شي يوقفه

لا حبيبتي لهنا و قوليله وقف ََ!!! ... مو معناته اذا رجعتي بيت اهلك زعلانة انه راح تطلقي ... ولا معناته انه ربي غضبان عليك ..!!!

صراحة ردي يمكن يكون قاسي بس سامحيني مقهورة عليك ... وعلى تصرفاته معاك ...

ما اقول الا الله يهديه لك ... واذا انتي مبسوطة بكذا و متحملة فالله معاك والله يصبرك و يصلحه و يصلحك ...

الله يكون بعونك ويفرج همك كثري من
((((((((الإستغفـــــــــــــــــــــــــــــــــــــــار)))))))))))

طيب ليش انتي ساكته عن حقج في ان يغازل ؟؟ ليش ساكته في ان يشوف صور اباحيه ؟؟ ليش ساكته على اهانته لج وضرب بنتج ؟؟ ليش ساكته على صراخه وكلامه الجارح ؟؟

اختي مهما كنتي تخافين منه بس خافي من اللي عينه ماتنام ولا يغفل ..

لنفسج حق وبنتج حق وهو له حق عليج .. وهي النصيحة حتى لو سب وشتم صدقيني راح يتعب لما يشوفج مصره على موقفج .. ومتخذه قرار حازم

ليش كل شي عادي عنده ... لان انتي ماعندج رده فعل اتجاهه عارف ان مهما فعل فيج فانتي راضيه وماعندج رده فعل ...

وين شخصيتج ؟

اختي اتخذر موقف وقرار من الحين والا والله عقب ما راح تقدرين تسوين شي ...

__

خليه يحس ان انتي عندج كرامه وعزة نفس ... زعلي .. طنشي له ...

غيري من اسلوبج معاه ... ترى الخلل فيكم انتوا الاثنين !

وسامحيني لو غلطت في شي

أنت للحين صغيره و قدامك العمر, ما الي اخرب بيتك بس هذا انسان مريض و يمكن يوم يتسبب لك او للبنت في عاهه مستديمه, لو انا مكانك اروح عنه و اتزوج لي واحد يقدرني و أعيش حياني
تقولين تخافين لأن طاعة الزوج واجبه, بس وانت بعد واجب عليك تحمين بنتك منه و لو صار لها شئ لا قدر الله ذنبها برقبتك, علمي اهلم باليصير و خليهم يشوفون لك حل