زوجي دمرني

السلام عليكم

يابنات انا وزوجي متزوجين عن حب هو ولد خالتي ومخطوبين من صغرنا لبعض وكنا نكلم بعض وبينا رسايل وبعلم اهلنا وتطور الموضوع وصار في لمحات ع خفيف وبرضوه امي واخواتنا يدرون وكانوا اخواته يشجعوني ويقولون ارسليله عشان يبغونه يعقل ع حسابي ومايدشر المهم مرت الايام وملكنا وصرنا نخرج ونتقابل كثير وشكله كان مختلط بمجتمع وسخ وقتها وعلاقات وخيانات زوجيه وشايف عجب واي حركه اسويها معاه ولاكلمه يفسرها غلط ويقول مين علمك ويبدا يتعب ويشك فيني ليش جوالك مقفل ليش مشغول ماتطلعين مع اهلك ماتسافرين وحكره ع الاخر تحملت وصبرت وتزوجنا كل يوم اقول بيعقل ويتغير العكس صحيح كل يوم ينجن اكثر ويرمي عليا تهم اشكال الوان كل حياتنا مشاكل حتى شهر العسل دماااار ماني مرتاحه ولا مستقره ولاهو وبس يوسوس طالعتي فذا سويتي كذا عشان قصدك فلان يشوفك عشان تلفتين هذا عجبك هذا مدري ايش ويتخيل اشياء والله ماتصير حتى الدوام يخاف يداوم ويشهد عليا الله اني حافظته ومحترمته لاعمري سويت شي يشككه المهم انا حملت وفرحت قلت بيراعيني وبيثق فيني وتم زي ماهو ولا تغير يشك فيني وبطني قدامي لدرجه نتشابك حتى توصل لمدة يد مني ومنه بس لاتلوموني قويه احد يجي يتكلم فشرفي واسكت انا ما اتحمل خصوصا اني بريئه وشريفه المهم انا ولدت وجبت ولد مالي الا اسبوعين وطلعنا قبل كم يوم السوق وفجأه رمى علي كلمه زي السم بدون سبب وطلعني السياره ويقفل الابواب بقوة ويسوق بسرعه زي المراهقين ويلف بقوه شوي يطير ولدي من يدي اساله اش فيه مايرد علي ومععععصب ويوم قربنا من البيت قال كلمه بشعه وسخه بمعنى الخربانه خربانه ويشهد الله اني مادري ليش بعدها انا عصبت وقمت اسب واتكلم وكبرت بينا لدرجة ثاني يوم وصلت لمدة يد تخيلوا وانا نفاس وخياطتي توجعني وولدي يصيح ع السرير وهو يضربني لاني تكلمت عليه اااااه مقهوره كيف يكبر ولدي ع ذي البلاوي اش نظرته ليا؟ لنا 4 ايام هاجرني ولا حتى يطل ع ولده ولاينام ولا ياكل معانا واليوم اخذني ووداني عند اهلي وسوالي حظر من الاتصال والواتس يقول عشان ما ارسله واتكلم عليه يبغى يرتاح وانا مقهوووره بموت بريئه وغلط عليا ومد يده ولا هامه ابدا ولاتقولولي دخلي اهلك قد تدخلوا اهلي واهله ولا في فايده هذي مشكله يوميه لازم تصير بس بعد ماولدت انقهرت اكثر والله حرام التشكيك والتخوين ذا وبدون سبب لمجرد ظنون ووساوس منه ولانه خالط مجتمع وسخ واكيد مارس علاقات ولا ماكان كذا                                                           
عموما زوجي كريم مره وطيب ويحبني وقت ماهو راضي ووقت مايشك بس ويجيه الشيطان يعاملني بقسووه وبشاعه كاني مسويه جريمه تكفون ساعدوني بحل جذري