زوجي ذبحني بالجوووووووووووع

السلام عليكم ورحمة الله وبركاته

مساء الخير لأخواتي الحوائيات........وكالعاده طفح بي الكيل وجيت لصدر الحنون اشكي:35:

بالمختصر انا اعاني من مشكله ان سكتت عليها انجرحت وان تكلمت فيها انفضحت انا انسانه ذبحني الجوع والتجويع عند ابن هالحلال هو ساكن بمدينة جدة بحكم ان مقر عمله في هذي المدينة واهلي واهله بمدينة ثانيه واذا جيت معه لهذي المدينة تبدا المعانات معي
طبعا اول ماجيت كان هو ناقل عفشنا واغراضنا لشقة جديده ودخلت هالشقة وكانت انواع القذاره والغبار والتراب والاسمنت والجبص يعني كانت كارثة وهو كان وعدني انه راح يجيب عمال ينظفون او شغاله بالساعات تجي تساعدني في الترتيب والتنظيف......ولكن للاسف ماوفا في وعده معي وسحب علي<<وهذي اكبر عاده ماهي زينه هو للاسف يمتلكها
وانا وحده معي بنت صغيره عمرها 10 شهور يعني مامعي وقت وقوة اشيل هم تنظيف هالحوسه والشكوى لله اضطريت اني انظف كل البيت والحمامات وانتم بكرامه لحالي والله ان تنظيفها كان صعب جدا جدا واربع اسابيع اقوم كل يوم بدري على 7 او 8 او 9 وابدا شغل الى الساعه 1 بالليل اركض اسوي فطور وغداء وعشاء ورضعات لبنتي وتغير حفاض لها وغسيل ملابس وترتيب بالشقة الجديده يعني قسم بالله انهد حيلي وتعبت الى ماخلصت البيت وطلع يبرق من النظافه كل هذا الوقت وزوجي جالس عند التلفزيون والانترنت يكركر ويضحك ويسمع لكاظم الساهر:mad:

ولافيه ذرة امل يقوم يساعدني ويكسب فيني ثواب وحتى بنته اذا حطيتها عنده يمسكها جلس ينافخ علي ويهزء :44:

وانا بالاول والاخير بشر لحم ودم ماني الامرأة الحديديه وطوال هالاربع اسابيع ماشراء للبيت اغراض تخص الاكل والشرب كل ماطلبت شي وقلت يافلان مافيه اغراض عشان اطبخ رد علي........عجزان اروح للبقالة......ياكثر طلباتك انتي ماتقدرين.........يؤؤؤؤؤه هذا ماهو وقته انا تعبان..........حرام اتقضى للبيت وانتي تبين تروحين اخر الشهر(الظاهر اجوع لاخر الشهر :icon33:) والله اني ادق عليه واتحايل وبأسلوب اكلمه بدوامه والله يافلان اليوم اكلت بس خبز وجبن والله اليوم مضيتها بشابوره هاه وش تغديت اليوم بدوامك؟<<<ابي يحس ابي يتحرك وهو يقضيها بدوامه كبسات وقطيات غداء وعشاء مع اخوياه وانا جالسه بجوعي بين الجدران

طبعا لتوضيح الاغراض الموجوده بالبيت هي:
عسل
خبز يابس
حلاوة
مربى وخلص للاسف
زيت
رز
دجاج
برتقال ثلاث ارباعه معفن ومتحسفه اكبه اخاف اعتازه للحالات الحرجه
فلفل حار اخضر
بيضه وحده بس
قرع ههههههههههه
كيس بطاطس مليت وانا ما اطبخ الا الطبخات اللي تحتوي على بطاطس(مصقعه-معرق -مرق هههههههههه واذا غيرت وطق فيني عرق سويت بطاطس مهروس ساده اكله انا وبنتي)

طبعا وفقآ للاغرض المتوفره اعلاه عيشتنا كلها طول هالشهر رز ودجاج وفطورنا حلاوه وعسل وخبز والعشاء برضوا نفس قائمة الفطور .............طيب وبعديييييييييييييين؟
والله يابنات نوقف عند البقالة يشري له دخان وكم غرض للبيت ويسأل وش تبين للبيت؟طبعا اكتفي بخبز وزبادي لبنتي وتايد للغسيل وبسسسسسسس:44:
وعيوني على داخل البقالة وسعابيلي تقوطر على الكاكاوات والعصاير والحلاويات والمعجنات و و و الخ
ولاقدر اقول شي لانه يبي يقول مامعي انتي ماتقدرين انتي وانتي وياكثر اكلك

والله ماعمري جيت عنده ورجعت لاهلي الا وزني نااااااااااااااقص
ياناس ابي عيشه زي العالم نفسي بتمر زين مع القهوة نفسي بأسماك وربيان واكل دسم نفسي بمعجنات نفسي العصر اكل حلويات وعصاير نفسي اروح لسوبر ماركة واخذ المعلبات اللي نفسي فيها
والله استحي من نفسي اذا تهاوشنا انا وياه عشان الاكل 3 سنين وحنا بس اكثر خناقنا عشان تقصيره وبخله بالعيشه

والحين هو زعلان ......لان امس قمنا الصبح وقلت له ان البيت فاضي اغلب الاغراض خلصت حتى ادوات التنظيف واقترحت عليه نطلع نتغداء براء وقال موافق واناااااااااااااااااااااا بغيت اطير من الفرحه خبركم ما اشتهي اكل البيت لانه مكرر وتنظيف الشقة الجديده هد حيلي قلت فرصه انفه عن نفسي
هالكلام الساعه 10 الصبح ولطعني بأنتظااااااااااااااااااااااااااااار الى الساعه 4 العصر وعقبها قال مافيه غداء برا انا توي دافع للعامل اللي جاء للبيت فلوس ومابي اتخسر زياده.................:mad:
طيب يازوجي العزيز يوم انك من البداية ماهي طالعه من نفسك هالعزيمه ومتحسف ليييييييييييييييييييييييش تحمسني وتعشمني ليش ماجبتها على بلاطه من الاول؟؟؟؟؟؟؟؟؟؟؟؟؟؟؟؟؟؟؟؟؟؟

حزت بخاطري بصراحه وقمت سويت له ايدام بطاطس ورز ابيض ودجاج بالفرن(قلت لكم نفس القائمه تتكرر من شهر)
وجبته عنده يتغداء وانا انسدت نفسي اتحلم بسمك وربيان واخر شي بطاطس
الحمد لله على النعمه بس ودي يتغير مليت

يعني اصوم اصوم وافطر على بصله............الله يسامحه
واليوم قمت 8 ويالله كالعاده نظفت الحمامات وغسلت ملابسي وملابسه وملابس بنت ورتبت بعض الاغراض وقام من النوم ومكشر وزعلان قال سويتي غداء قلت لاوالله مافيه شي خلص
كشر وعبس وجهه ودخل المجلس
سويت له شاي وجبته عنده.........واعطيته بسكوت مملح لبنتي ههههههه يسد جوعه الى ماربي يفرجها
فجأة...........:angry2:
صارخ ورفع صوته انتي ماتستاهلين الحشيمه لازم ارويك العين الحمراء وقام يشتم ويلعن قلت بصوت هادي انت ليش اللحين معصب؟ انت امس تقول خلاص ماراح تصرف ولاريال عشان مايخلص راتبك هذا كلامك مو كلامي انا مابيدي شي قام صاج وهاج علي وهزئني تهزيئ حاولت اني اقطع النقاش واسكت
وقمت كملت شغل البيت وانا على لحم بطني من الصبح الىىىىىىىىىىىىىىى الساعه8 باليل تقريبا واخيرا قام وقال تبين شي من البقالة قلت مادري
لاني لو ابي اسرد عليه الطلبات ماراح اخلص وش اقول وش اخلي البيت فاااااااااااااااااضي لا اكل لا شرب لا ادوات تنظيف قلت اختصر الموضوع واقول مادري لا يجيني تهزيئ منه
راح وجاب
طماطم
خيار
ليمون
موز
لبن<<<<<<<يقالكم غير عن البطاطس :44:
قلت له الله يهداك من اليوم جوعانين واخرتها موووووووووووووز؟؟؟ليش قرود عندك؟
رفع صوته وهددني بالضرب وقالي انقلعي واسكتي واقطعي واخسي يعني اسلوب روعه بصراحه يالله قومي انقلعي سوي عشاء!!!!!:06:

والله من شد الجوع وانا اكلم اختي بالتليفون وواقفه جتني دوووووووووووووووخه احس التلفزيون يرقص قدامي والله شوي واطيح على وجهي والله شاهد على كلامي

قلت انا مابي حيل انا جوووعانه طاقة مافيه دايخه من اليوم هالكه قال ذبحتيني بالبلع افقرتينا بأكلك كافي اكل ياعلك سم........الخ

اسألكم بالله انا غلطت بشي؟قصرت يوم يقول افقرتيني بأكلك؟اللي يسمعه يقول فيل والله ان وزني مايتعداء55كيلو حارمه نفسي مالذ وطاب واخر شي يقولي سم!!!!!!!!!!!!!!

ردوا بالحق وانا راح اخليه يشوف ردودكم بنفسه واذا هو غلطان يعرف ان ربه حق واذا انا غلطانه مستعده اروح واتأسف منه
الوحده تفرح وتاخذ راحتها في بيتها وانا اشتاق لبيتي واذا جيت اتمنى ارجع لاهلي عشان كل ماجعت رفعت السماعه وطلبت لي اللي اشتهييه واول مااقوم من النوم افتح الثلاجة واشوف عيشه توكل:eek:


(بنات الله يجزيكم الخير .....بدون غلط مهما كان هذا زوجي وحبيبي وابو بنتي وما ارضى عليه مو من حق اي وحده تغلط على رجولته والله انه رجال وسيد الرجال......هو قصر بشي معين وانا بغيتكم تساعدوني عشان يقتنع ان هالشي يضايقني وبس.......رجآ قول بس معي الحق او معه وبسسسسسسسسسس بدون تطاول بالكلام والردود اللي غلطوا عليه انا اعتذر بنيابة عنهم واقول له انا اسفة وحقك علي وامسحها في وجهي.........جزاكم الله خير قل خيرا او فصمت)