ابقولك شي والله والله ماقلته لك الا عشان احس اني ابي اساعدك
بس ما ابي احد يطبقه يابنات الا الي خلاص توصل لمرحله انها فعلا تحس انها ممكن هالشي بينهيها

انا كنت احب زوجي لا لا اعشقه لا لا احب الارض الي يمشي عليها ذلني بهذلني حقرني عند الناس وعند اهله
عند كل العالم..كنت ابوس رجوله اذا زعل تصدقين وهو يكون الغلطان كنت ارحمه بكل شي..ماعمري طلبت منه شي فوق طاقته
عمري ماتهنيت بسفره..
بشهر العسل مسطرني امه اتهمتني بالسحر وزوجه اخوه اتهمتني اني سحافيه ولا حتى رد عشان اقلها انا ام عياله
سوى فيني اشياء ماتتسوى..
وراحت الدنيا..وخلاص ماعاد جسمي يتحمل الي انا مسويته فيه اهانه ضرب بخل انتقاد بكل شي.. اتهامات بالعرض والشرف وبرضو كنت احبه..
فيوم من الايام لعبت الصدفه اننا نطلع مكه مع انه مايبي حتى يسافر بي لمكه اخذ عمره
ودخلت اول ماشفت الكعبه تعرفين وش سويت.....
بمكاني سجدت قبل حتى اصلي وصحت ودعيت ربي وقلت يارب يارب لاتطلعني من بيتك هذا الا والحب الي بقلبي كره له
ابي اكرهه ياربي ذلني ذلني ذلني وانت ماترضى بالظلم حتى زوجي كان واقف انهبل من طريقه سجدتي المفاجأه ومن صياحي ولايدري وش قاعده ادعي وقلت يارب يارب خله هو مكاني خله هو الي يحبني وانا اذله..
يارب تذوقه ماذقت...
وراحت الايام وربك استجاب دعوتي..وصرت اكره زوجي وعايشه معه للحين مو عشانه لا والله خلاص كرهت الرجال والزواج ولا افكر اتزوج حتى لو تطلقت ومرت علي ظروف وتطلقت طلقه وحده وبكا وترجاني ارجع وبكى عند الشيخ في المحكمه عشان ارجع..
والله ما اقولها عشان اسبه لا والله بس ابيك تعرفين ان الحب مذله..
ورجعت له وهو الحين دايما يقولي انتي ماتحبيني؟؟اناظره واقول يووووووووووووووووووه كنت اسئله نفس السؤال اول
وكان يهزئني ويقول وش هالخاربيط مسلسل انتي عايشه مافي شي اسمه حب...
ما ابي اقول تفاصيل اكثر بس روحي لمكه واطلبيها من ربي وادعي وابكي وقولي الي بقلبك لربك..



ولا احد منكم يابنات تدعي هالدعوه خاصه اذا حياتكم فيها المر والحلو..
لان صدقوني العيشه مع شخص تحبينه ولا يحبك عذاب بس ترى حتى انك تعيشين مع شخص ماتحبينه وهو يحبك اكب عذاب....وانا لي وضع خاص جدا ولو اهلي كويسين معي والله مارجعت له بس انا حاطه خطه خماسيه بحياتي..
ما اقدر الحين اصرح فيها دعواتكم لي

لانك طيبه وساكته من البدايه
هو تمادي وعارف انك تحبينه
نصيحه ابعدي عنه اتركيه ترا والله قهرتيني
انا اكتب لك وانا ابكي والله ماادري ليش عايشه هالعيشه
بتضيعين عمرك وشبابك على وهم

الله يفرج همك
ويسخره لك ولو فيه خير لك ولعيالك يرجعه
انتي عيشي حياتك عشانك وعشان عياالك


بس ابي اعرف الاخت العربيه وش هالقصه اللي دخلتها
يعني وووش المقصد وطريقته السرد غريبه مررررره
الين الحين مو فاهمه
اتمنى توضح لنا

الله يرده لك ردا جميلا

رزقك الله بر اولادك بك

وفرج همك وانار صدرك ووفقك دنيا واخره

طيب يااا اختي

اعتبريه مااااااااااااااااااااااااااااااات وانسييييييييه .. لانه ذااااالك الله يسخره لك غصب عليه ..

هو من اول لو يحبك ماراح يدور غيرك ؟؟
وابغى اعرف هو من الاول كيف تعرف على زوجته الثانيه ؟؟



ليه يهجرك ؟؟
ليه يتكلم على امك ؟؟
ليه تخلينه يتشارك مع ابوك ؟؟؟
ليه ما اعترضتي وقلتي لـــ اهلك عنه ومنعتي هالشراكه ؟؟
ليه يقول انك وجه شؤوم عليه وزوجته هي المباركه ؟؟؟؟


اسمعي ترى والله الحياة مع هالزوج صعبه ... وترى انتي اللحين بصحتك .. بس مع الضغط اللي انتي فيه راح تدب فيك الامراض ... واول من بيتخلى عنك هو زوجك !!

ترى هو مستغني عنك.. وما تهمينه .. ويقول احبك بس كلام .. لو يحبك من جد كان مارضى لك بالمذله .. وترى انا ما اعترضت على الزواج .. لان الزواج حق من حقوقه .. بس الاعتراض هو .. ويييييين العدل.. وين المعامله الحسنه ؟؟
قال تعالى " وجعلنا بينهما موده ورحمه "

اسمعي قصتك قطعت قلبي واحسها حرقت دمي .. حسبي الله ونعم الوكيل ..

اكثري من قول
اللهم رد زوجي لي ردا جميلا ..

واكثري من قول
اللهم امسح محبته في قلبي واجعلني اراه اقل من سائر الناس ..

واكثري من قول
اللهم اجرني في مصيبتي واخلف لي خيرا منها

ساااامحيني اذا قسيت عليك ... بس والله اني متاثره وقصتك حزنتني ..