بعد سفره بيوم جاتني رسالة على جوالي من خطيبته تقول انه زواجهم الليلة ادعي لنا بالتوفيق
وصرت في حالة مايعلم بها الا الله
فتحت باب البيت وطلعت م غير وعي وكانت الدنيا برد وثلج صرت ادور في الشوارع مثل المجنونة فقدت كل احساس باللي حولي س احس بنار داخلي تاكلني اكل
صرت ادور في الشوارع لحد ماجلست في زاوية ومادري كم مر علي وانا جالسة لحد ماجت سيارة البوليس واخذوني وكلموا على ابوي اللي طار عقله مايدري انا وين وجاء واخذني للبيت واحظر طيب معه للبيت واعطاني مهدئ ونمت ماحسيت بشئ من حولي
مادري كم الوقت اللي مر علي ماحسيت الا بيد الغالية امي تمسح علي وتصحيني وتقولي قومي صلي معي وكان الوقت ليل مسكت يدي واخذتني علشان اتوضأ وتوضيت وصليت مع امي وكانت تقولي ادعي بكذا وكذا الأخرة خيرآ من ألاولى
بكيت من قلب مجروح مليان هم مليان الم رفعت يديني لربي اقول يارب خفف علي
مر اسبوعين وانا مثل المجنونة ماكل ولااشرب وفي الليل بس ادور في البيت من غير وعي وزوجي ماتصل علي ولاكلمني
ليه ماكلمني ليه ماحب يشوف حال القتيل بعد قتله
وانا كنت خايفة اكلمه خفت احسه مبسوط ونساني خفت مايرد علي
وفي ليلة من الليالي وانا جالسة ادور جاء ابوي ومسك يدي وجلسني بحضنه هذا الحضن اللي مليان حب وحنان
وقالي شوفي يابنتي اذا مانتي قادرة تعيشين معه بيت ابوك مفتوح لك بس لاتعذبين نفسك كذا
طالعته وسألته وش تقصد تقصد اتطلق منه قال ليه لا ولاتتعذبين بهالشكل قلت لا يابوي فلان لو مايبقى في دنيتي الا اسمه ابيه
قال انتي لك حرية القرار بس ارجوك ماتحمل اشوفك تتعذبين
ابوي من بكرة كلم على زوجي ورد عليه قاله ابوي زواج وتزوجت وهذا حقك الشرعي وماحد ينكره عليك بس لاتعذب بنتي اذا انت ماتبيها لاتعذبها طلقها وصدقني بيبقى بينا احترام وتقدير
انجن زوجي وقال لا فلانه انا لايمكن اتخلى عنها لايمكن اتخلى حياتي بدونها لاتقول كذا ياعمي الا فلانه
بعدها بكم يوم جاء زوجي علشان ياخذنا انا وأولادي
جاء زوجي علشان ياخذنا
وقف قدامي حسيت اني اول مره اشوفها حسيت كأنه بعيد عني جلست اطالع فيه كاني ادور عن اللي اعرفه كان يضحك ويسولف ولا كأن فيه شئ
مد يده لي يسلم ومدت يدي كانت يده بارده حسيت فيها حسيت ببرودتها في ظلوعي
جهزنا ورجعنا للسعودية ودخلت بيتي كنت متوقعة على ألأقل يجلس معي بعد كل هالغيبة
كلمة وحده قالها الحمدلله على السلامة وسكر الباب وطلع
وقفت مكاني كأنه دخلني قبري مو بيتي
جلست اسأل نفسي ليه ايش السبب
ماقدرت بكيت وبكيت لحد ماجفت الدموع قلت يمكن يجي يمكن راح مشوار
دقيت عليه ودقيت ولا رد علي
راح الليل وجلست امني نفسي انه راح يجي اليوم
وفعلآ دق وقال انا راح اجي للغداء
وجهزت الغداء وجلست انتظر انا وأولاده
وجاء وقفت ابغى اسلم عليه مر من قدامي ولاكأنه شافني مر لأولاده سلم عليهم وجلس يتغدا الغريبة انه يسولف عن شغله بشكل عادي
كان شخص غريب وتصرفاته غريبه
قال راح ادخل اريح بعد الغداء وراح لغرفة النوم وجيت وراه كان متعود اعمله مساج قبل ماينام بمجرد مادخلت عطاني ظهره وقال انا تعبان ابنام
سكرت الباب وطلعت
وجلست بعد تقريبآ 10 دقائق الا جواله يدق بألحاح غريب الا زوجته الثانية رد عليها ولبس هدومة وجاء يطلع وقالي معليش عروس مش ممكن اخليها لحالها
هو طلع الغريبة هو مالاحظ انا مانطقت ولا كلمة ماتكلمت ولا حتى سأل
عرفت انه هذا بداية المعاناة الحقيقية
الصفحة الأخيرة
اكملي الله يفرج همك