زوجي راح يتزوج علي قريب جدا !!!!

السلام عليكم ..


انا حاسه نفسي قريب من مصيبه الله يستر ...

لي سنه ما رحت لاهلي وقريب راح اروح ان شاء الله ...

زوجي كل سنه يسوي مشكله قبل ما اروح وسبق وخطب علي بدون سبب !!! بس لاني بعيده عند اهلي

وهذي المره لاحظت بنظراته وكلامه وتصرفاته انه فعلا راح يتزوج ..!!

لقيت عنده جوال ثاني وشكله يبي يحط فيه شريحه ثانيه عشان يكلم فيه !!!

استعجل بالحجز على الطياره !!

يلمح انه يبي يتزوج او ..... ما ادري الشيطان يلعب في تفكيري !!


والله اني ودي ارتاح ما ادري وش اسوي !!!

القهر اني جدا طيبه معاه ومع اهله وملكة جمال بشهادته وشهادة الجميع وربي رزقني ولد ...

وش يبي !!! يبيني طول العمر اجلس جنبه ولا افارقه او يتزوج !!!

انا خلاص كرهته ولو سواها شكلي راح اطلق واخذ واحد يستاهلني !! لانه هذا ما ينفع فيه الاخلاق ..


ما عندي احد بهدنيا بعد الله غيركم اشتكي له ..

ابيكم تساعدوني بحل اخليه يتزوج واسكت وانا توي بداية حياتي ( عمري بالعشرينات )

وش اسوي اصير عبده عنده وانسى اهلي اللي نسوني من قطاعتي !!!

احيانا افكر انه لو تزوج راح ارتاح منه ويعرف قيمتي ..

بس لما اتذكر كلام الناس ونفسي انقهر واقول وش الحل !!

ارضى اصير زوجه اولى او اطلق واضيع ولدي !!!

لا تقولون هواجيس انا اعرف زوجي زين وشلون يفكر ويتصرف ...حسبي الله ونعم الوكيل ..........



واسفه لو انقطعت عنكم لسفري بس راح ازودكم بأخباري ان شاء الله ..