زوجي راح يطير مني

يمكن عنده مشاكل بالعمل وما يقولك
وبعدين انتي لاتبينين حبك كثير ترى الرجال يمل من الحرمه الي كذا
واهله انتي ادي الواجب وبس
وشي طبيعي اي شي يصير لاهله انتي مالك دخل عشان يقولك
انا لي 7سنوات من تزوجت وزجي لايدري باسرار اهلي وانا ما ادري باسرار اهله(ياشيخه اريح)

يا حلو كلامك يا ام الحلوه
وصحيح في نوعية من الرجال إذا شاف زوجته مهتمه فيه ومداريه خاطره
يكبر راسه على زوجته
إنتي أدرى بزوجك منا وشوفي التعامل إلي يناسب شخصيته
أهم شئ حقوقة و واجباتك ناحيته تقومي فيها بأكمل وجه على قد ماتقدري
وأسرار أهلك لا تقوليها له ماله داعي أختي
ودايما خليك متجدده في لبسك وكلامك ومكياجك
وخليك راكزه لما تشوفيه يعني لا تظهري حبك وشوقك له من تشوفيه
يقولوا الثقل صنعه...
وربي يهدي سركم أختي..

هذا هو مربط الفرس ..
او هذا هو السبب الاكبر لمشكلتك ..

لاتهتمي لكلام النساء الاخريات ولاتقارني تجربتك بتجاربهن .. يعني لاتسمعي لما تقول ولاتدعي كلامها يؤثر على علاقتك باهل زوجك ..

اتوقع هذا هو السبب اللي جعل زوجك يغير معاملته لك .. وهو معاملتك لاهله ..

احسني اليهم حتى في غيابهم وامام زوجك

حتى انتي ربطت الموضوعين مع بعض ربما لاشعوريا .. لكن صدقيني الموضوع مرتبط مع بعض ..

غير كذا خففي من بكائك عنده فان كثرته تجعل الرجل يمل . .. وقليله له تاثير السحر عليه ..

وانت يبدو انك زدت من استخدامه فلم يعد له مفعول ابدا ..

اعيدي النظر لحياتك فربما تحتاجي الى تعديل بعض الامور ..

وادعي واصبري .. واكرر لاتجعلي اي شخص يؤثر على حياتك وانت لاتشعرين ..

عموما عزيزتي

العلاقه الجيده مع الاخرين لاتتطلب بالضروره ان يفشوا اسرارهم امامك ..

فاحترمي رغبة زوجك ورغبة اهله باخفاء بعض الامور عنك .. خصوصا ان اغلبها لايهمك . بالعكس يمكن يسبب لك مشاكل اكثر ..

واخيرا

ربما تحتاجين الى شيء يجدد الحب بينك وبين زوجك .. ابحثي جيدا في قسم الحياة الاسريه قد تجدين ضالتك ..
وربما تحتاجين الى جلسة مصارحه .. ولتكن الخطوه الثانيه ..

باختصار قومي بالاتي ..
** غيري معاملتك لاهله واحسني لهم ولو لم يفعلوا ..
** جددي حياتك من جميع الجوانب
** صارحيه

وفقك الله ورزقك الذريه الصالحه

مشكورين خواتي على كلامكم الحلو بس انتوا ما تعرفون ام زوجي شلون تحب تعرف كل صغيرة وكبيرة حتى اخواته يعني مب مرتاحة اليهم انا دايما اضحك وامزح بس هم احس بعد مايرتاحون لي يعني تخيلوا مرة سافر زوجي اسبوع وانا صرت اروح اليهم كل يوم تخيلوا طوال الوقت قاعدة وياهم واذا مشيت أكلوا يعني اذا على العشاء تأخروا في العشاء لين اروح علشان ياكلون وهم كذالك الغذاء واذا سألتهم ايش عشاكم ردت علي عمتي تقول جبن راح ناكل واذا سألتهم ايش راح تتغذون قالت ماطبخت انا اليوم راح ناكل من غذاء امس يعني ويش تقولين في هذا الشيء وانا جداً نفسيتي تعبت منهم وهم لما يجوا على شقتي والله مااخلي شيء الي عطيتهم اياه غير الابتسامة الي ماتبارح فمي دايما يبون وما يعطون وحتى لو فكرنا نطلع لازم نستخدم سيارتي لانهم يخافون على البنزين حق سيارتهم يعني كريمين في مال غيرهم وانا قلت اوكيه وحتى لو صارت عزومة عندهم يعني يوم الخميس اذا جوا بناتها او مثلا جوا خواتها ماتقول لي تعالي اكلي ومايحتاج تطبخين بالعكس تخليني اطبخ لي واروح عندهم واكل يعني ويش تبون اكثر من كذا ودايما ما تصدقني حتى لو حلفت اليها ماادري هذه العائلة غريبة وانا مااقول اسرار اهلي لزوجي يعني الامور العادية وهو يخش عني حتى اذا وحدة انخطبت اعرف من بعيد بس مب منهم ولا منه واذا يبونه يعملون اليه رنه في التلفيون علشان يروح اليهم يعني عن واحدة تجي وتطق الباب وتقول انها تبي زوجي ويش هالعائلة وانا اذا رحت لأم زوجي ابغي منها حاجة تفتح لي تحقيق ما يخلص والله انا تعبانة منهم وحتى اولاد اخته اشقياء وايد ولسانهم طويل وما يحترمون احد ويبيني احبهم بالعكس انا حاولت بس اتضح ما يستاهلون شيء وانا صرت اكره يوم الخميس بسببهم دايما يخربون علي انا وزوجي يعني هذا اليوم هو اجازتي يعني افهموا ابغي اقعد ويا زوجي بعد الغذاء يعني ما نلحق نترك بيت ام زوجي هم جاؤوا ورانا يخربون علينا واذا قلت اليهم روحي ما يسمعون الكلام يعني لصقة بالعربي الفصيح
وعلى فكرة نسيت اقول لكم بعد ان ام زوجي شلون تعامل زوجها ابو زوجي يعني بعد ماكبر تحتقره آخر احتقار وماليه كلمة ودايما تصارخ عليه امام اولادها زوجي ساعات ينصحها بس هي الله يهديها ما تحبه لانها مصوبة عليه من صغرها يعني 30 ماقدر الحب يدخل قلبها اليه تصورو هذا بوا عيالها وتعامله كذا بالرغم الي سواها اليه شلون انا راح تحبني
دبروني شلون احبها انا عصبية وحساسة وايد

الله يعينك
تحسبي على كل من ظلمك والله
راح ينصرك ان شاء الله