زوجي رافض نفاسي يكون ببيت اهلي وأنا بكرية

السلام عليكم

بنات آنه حامل في الاسبوع العشرين

وزوجي من الحين رافض انه يكون نفاسي عند امي لاني حامل بتوأم وأمي يادوب على مغثة اخواني وتعبهم
وفي نفس الوقت آنه هاي اول ضنا لي وابدا ما اعرف شي غير انه امي بتهتم بأكلي وبصحتي وبتشي عني شوي .

أخاف ارح عندها واسوي لهم زحمة وغير انه ما فيه مكان لي الا بالطابق الثاني وصعبة انزل واركب وصعبة اخلي امي فديتها تنزل تركب لي .

زوجي رافض يقول اذا حبيت ازورك وين اروح ما لي مكان ابيت معاك فيه ومن ناحية ثانية رافض يقول لي انتو طبيعتكم في النفاس كل امة لا إله الا لله تجي تزور وتبارك وهاتي الولد وشيلي الولد وانا اخاف على اولادي واخاف عليج بسبب انهم توأم .

واذا ما طلعتيهم لهم بقولوا خايفة من لعيون بيشرهوا علي .

شسوي بيتي من ناحية اريح لي لانه بحريتي وزوجي قال لي بأخذ اجازة وبجلس معاك .

بس اخاف امي تزعل لاني اكبر البنات والوحيدة المتزوجة من اخواني اصلا واول فرحتهم عيالي الله يقومني واولد بالسلامة .

محتارة اخاف اكسر بخاطرها واخاف اضيق عليها في البيت وفي نفس الوقت ما بترتاح كوني بعيد عنها .


محتارة ومن الحين شايلة هم .