يا اتركي كل شي عليه
وحطيه قدام الامر الواقع
وصدقيني بتتعبين شوي بس بالنهايه بيرجع يقوم بمهامه كامله




او انك طلعيه من البيت
او خذي عيالك واطلعي
معليش انتي دافعه كل شي تقريبا مابقى الا الاجار ؟

وش فايدته هم داخل بمجهوده بس!!!!!


لو منك اطلع بشقه واقوله
ياتاخذ عيالك وتصرف عليهم
واذا تبيني ام لهم حاضره ماتبيني ماعندي مانع انا اصلا مو مستفيده شي منك كزوجه


او انك اطلع من حياتنا
وخليه يطس
ان اشتاق وحن ورجع افرضي شروطك

وان طس ومارجع هذاا مايحبك ولا مقتنع في الاسره من البدايه
ومستخسر فيكم كل شي

قال تعالى: (الرجال قوامون على النساء بما فضل الله بعضهم على بعض وبما أنفقوا من أموالهم) .

ماابغى احرضك بس والله نادر ان الرجل يثمر فيه صرف زوجته وتحمل المسؤلية
لاتدفعين سنة وحدة يجلسون بالبيت ..عشان ترتاحين العمر كله لازم يتحمل مسؤلية
نفقتك واجبة عليه بالشرع والعيال مسؤؤلين منه امام الله بكل شي ..
انتي توك 6 سنوات وهذا حالك مايتحمل اي شي
سنة عن سنة بتتحملين اشياء اكثر ..
شيلي يدك من كل شي من ناحية الشغالة عادي تساعد بما انك موظفة وحتى سواقك
عادي تغطين عن نفسك عشان ما يحرمك من الوظيفة ..
والله العظيم عايشت قصة تبكي الصخر
..وحدة كانت طول عمرها تدفع وتحط وتصلح بالبيت وبنت البيت مع زوجها
وكل راتبها ماتستفيد منه كثير ..بالاخر تزوج عليها وحدة صغيرة من عمر بناته
وطردها من البيت بس الحمدلله القضاء صار بصفها وانطرد هومن البيت
لكن مو كل القضاة منصفين ويحكمون بالعدل ..
كان الله في عونك ..لازم يكون لك وقفة حازمة معه ولازم تقسين قلبك شوي حتى من ناحية العيال
ومصاريفهم والاكل والشرب لين بس يتعدل وترا لاتفكرين انك بتكبرين بنظره او بيقدر تضحياتك
لانه بالاخر بيشوفه واجبك ومسؤليتك ..

كان الله في عونك ..

حاولي فيه بهدوؤء وصراخ واي شي
دوري لي مدرسه مناسب سعرها
عادي بيني له انت مهندس ويرضيك عيالك جهله ومايتعلمون وهم بذمتك ليوم الدين

قولي لهم بابا مو راضي يدخلكم المدرسه وانا ماعندي فلووس ادفع خليهم يطفشونه
تاخر الولد سنه عن المدرسه ماتوقع بيضر بس خلي موقفك حاسم جدا لاعاد تدفعين شي روحي اشتري لنفسك اللي تبغين وخليه يشوف ان ماطرالك تسجلينهم ، لازم عندك حساب ثاني ماحد يطلع عليه بتاتا ويفضل انه هو اللي ينزل عليه الراتب عشان مايقدر يعرف كم نزل وكم تحول لازم تدخرين فلوس لنفسك وتامنين مستقبلك ومستقبل عيالك ولا اجلسي في البيت مو لازم وظيفه
لان لو بتستمرين كذا بيشيل يده ولو سالتك امه عطيها في وجهها قولي مو راضي يدفع لهم ويقول بيدخلهم السنه الجايه 
كمان لو فيه مدارس حكومية بدون فلوس دخليهم فيها عادي بس لاتعلمينه