السلام عليكم
كيفكم يابنات ؟؟؟؟
:)
بقولكم سالفتي باختصار شديد ... انا زوجي رافض يشتري لي كسوة العيد بتقولوا لي تو الناس على هالكلام لسى بدري وانا اقولكم اكيد تو الناس بس انا لازم احسب حسابي واتفاهم معه من الحين والا بعدين بيطير الفلوس ولا يبقى ولا ريال لازم اخذهم واشيلهم الى مايجي وقت ونتقضى واشتري لي ولبنتي ... زوجي طبعا مو بخيل ابداً ابداً بلعكس كريم الى درجه ماتتخيلوها لكن مدري ليه لبسة العيد يرفض اشتريها يمكن لانه تعلم في بيتهم انه مو شي اساسي اما بالنسبه لي ابوي يشتري لي لااااااازم ومن والى ... وانا مو مكلفه عليه ولا شي بلعكس باخذ بحدود جداً يعني 500 او 400 حتى لو اقل المهم اني البس جديد في العيد يعني بحدود طاقته وبس والمشكله انه هو يصرف بالهبل بس علي انا يبخل مدري ليه يمكن لاني عودته اني ما اطلب كثير عشان هو اوضاعه الماديه صعبه وعليه ديون والتزامات بتقولوا لي قدري وضعه والله انا مقدره كثيييييير توني انا الحين تناقشت معه في الموضوع قلت له ...
في ناس من عايلتي ماشاء الله توهم جايين زياره عندنا البارح ضروفهم الماديه حيل حلوة وماعندهم التزامات الله يهنيهم ان شاء الله بس اقتصاديييييييييييييين بكل معنى الكلمة ما اقدر اوصف لكم شقد اقتصادين اقوله ودي اصير نصهم عالاقل مو مثلهم ارجوك أمسك يدك شوي لاتصرف شوفهم شلون هم عندهم ومايصرفوا ولا ريال واحنا اللي ماعندنا وحالتنا لله نصرف بالهبل ومانخلي علينا قاصر قالي خلاص قولي لنفسك مايحتاج ملابس للعيد لاني فاتحه الموضوع هذا معه من قبل وهو وافق انا انقهررررررررت :42: قلت له الحين ماجت الا على الملابس شوف جوالك اللي فاتورته ماتقل عن 400 ريال وانت عادي عندك وانا اقولك اقتصد قلل مكالمتك مالها داعي وانت عادي عندك وشوف فاتورة التلفون اللي تجينا 800 واحيانا الف ريال وانت على قلبك احلى من العسل بس انا وبنتي ماترضى نشتري اللي نبي عصب وعلى طول راح ولبس بيطلع انا انقهرت الصراحه وجى يقولي تقدري تكلميني باسلوب وتقولي اشترى لنا حتى لو وحده مانبغى كثير قلت انا جيتك باسلوب وانت اصلاً اللي فتحت الموضوع وماخلاني اصلا اكمل كلامي وهو واقف عند الباب اكلمه وفتح الباب وطلع وقال اذا جيت نكمل قمة التهرررررررب اسلوب ينرفز ودائماً يقولي انا ماعندي اسلوب والله المسأله تافهه جداً لكن هواللي كبرها عالفاضي وقلت له بعد خلاص ما أبغى شي بشتري لي من فلوسي لان أنا عندي حساب في البنك وابوي يحط لي في مبلغ 500 واحياناً الف لانه يدري انه ظروفنا صعبه وانا متعودة على الدلال مايبي يكون في خاطري شي وما اشتريه وانا كل شي خاطري فيه بس ما اقدر اشتري شي :(
طبعاً زوجي يرفض اني استخدم فلوس ابوي يقول انحرج من هالشي ومو أول مره زوجي يسوي لي سالفة على شان ملابس العيد كل عيد يروح ويجي على هالسالفه مايحتاج وعندكم والدولاب مليان ومدري ايش كل عيد والله احيانا مايعطيني شي واخذ من ابوي هو يعطيني واشتري لي مع اني احس بقمة الاحراج بس شسوي علموني ؟؟؟
:(
اتنازل له وماخذ فلوس حتى لو عطاني مع اني اخاف يتعود اني اتنازل عن حقوقي وانا اشوف هالشي من حقي او اخذ من عندي واشتري لي وارفع نفسي عن المذله ؟؟؟؟؟؟
بالله عليكم شوروا علي شسوي مع هالرجل الغريب :arb:والحين اذا رجع من دوامه كيف اتصرف معه اظل زعلانه والا اعطيه وجه واكلمه عادي انصحوني يابنات والله مالي غيركم اشكيله همي
ساعدوني بالنصيحه
بانتظاركم ياعسولات
:)
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
مشكورين يابنات على ردودكم
بس انا ابغاه يعلم انه يصرف علي مو بس اكل وشرب لي متطلبات ثانيه
بس انا ابغاه يعلم انه يصرف علي مو بس اكل وشرب لي متطلبات ثانيه
رتوولة
•
الله يعينك لازم تسايسينه وتتفاهمين معه اذا كان رايق بس لاتطلبين من ابوك فلوس مهما كان مو ملزوم يصرف عليك واحراااااااااج لك
الله يسخر لك زوجك يارب
الله يسخر لك زوجك يارب
الصفحة الأخيرة
تفآهمي معه بهدوء
و يمكن بعض الرجآل يتحسسون من هالموآضيع