زوجي رافض يوديني لأهلي الا مرة وحده بالشهر

السلام عليكم و رحمة الله
بدخل بالموضوع على طول
انا فبدايه زواجي اهلي ما حضرو حفلة زواجي بسبب مشكله
و الان كل شي انحل
و كان زوجي يحاول فيني اني ما اروح لأهلي و انا كنت اطنش
و كان يوديني ما اقول لاء
بس كان بين الفتره و الثانيه يهدد ما راح اوديك ما راح اوديك
الان قرر انه ما يوديني لأخواتي بالدمام
بحكم ان احنا نجتمع بالدمام في بيوت خواتي لان امي و ابوي منفصلين
بس ممكن يوديني لبيت ابوي كل شهر مره بسبب ان احنا البنات نجتمع عنده بالشهر مره
بيت ابوي و بيتي بنفس المنطقه بالخبر
و يقول دام ابوك قريب بوديك


و انا زعلانه مره اني حاولت بكل الطرق انه يغيير رايه و مو راضي يغيير رايه


اخر شي قال كيفك تبين تروحين مع اخوك او تاكسي انتي حره بس بكون زعلان عليك و انتي كيفك
مع العلم ان اخوي مو دايم فاضي لي
و حتى اوبر ما راح يرضى يعطيني فلوس عشان هالروحة ! انا عندي فلوس حساب المواطن بتصرف فيهم


اختي تقول انتي اسمعي كلامه فتره لا تجين لنا مع الايام بتشوفينه يجيبك عندنا من غير ما تقولين !!
انا ما حس انه بيغير رايه
بقول لكم شي في احد مثلي ؟
و دبرت حالها مع التاكسي او اوبر ؟
و هل بعيش طول حياتي ما يرضى يوديني ؟
هو يقول بوديك بمزاجي مو شرط خميس ..
و متى ما صار عندي مشوار لدمام بوديك يمكن بالشهرين مره يمكن
طيب انا خواتي ما يجمعون الا الخميس !!!



و حتى كان راضي اطلع اتمشى اروح مثلا مجمع مع اوبر الحين رافض

كيف اتصرف عطوني حلووول
والله العظيم اني كنت اعاني من اكتئاب و راح الان رجع لي من هاللي صاير لي دبروني