زوجي رايح يتزوج بمغربية..!! للفضفضة

السلام عليكم ورحمة الله وبركاته
كيفكم صبايا ..
بأقولكم قصتي ..
😊
زوجي من اكثر من سبع سنين يبي يتزوج مغربية وبس من موقع زواج للثاني وضيع حياتنا وأولادنا ..
( لاتمشية ولا أثاث لبيتي بس ترقيع ولا تعامل طيب ..)😢
مالكم بالطويلة عشت حياتي اربي اولادي واقوم فيهم وفي البيت وهو بس يسافر عشان يتزوج ولا تتمم له ربي شي..
المهم قبل شهرين طلع له تصريح الزواج من المغرب وراح فيه للمغرب طلع عندهم شرط موافقة الزوجة الأولى موقعة من المحكمة لدى السعودية
ويرجع بخفي حنين ,,😃
رجع وذوقني شهرين كاملة عذاب نفسي عشان اروح معه المحكمة اوقع له وبالأخير جد ملييييييت وطفشت وهو يترجاني قلت والله اتنازل عنك وعن حياتك بدون مقابل
ورحت ووقعت له والله يابنات انه صار يدعي لي ويدللني دلال ماشفته طول حياتنا 15 سنة ..😒
المهم الحين هو سافر بورقة توقيعي وأنا شريت راحتي وراحة اولادي ..
طبعا شرطت عليه ما تدخل علي ولا اشوفها ولا لي شغل باهله لانها بتسكن معهم ولا بأي احد من اهله او ضيوف او او او وغير كذا اجازاتي اقضيها مع أهلي
يعني باختصار اعيش معه عشان أولادي لأنهم كل حياتي ومقدر أربيهم لوحدي كلهم أولاد..😑
هذي سالفتي اللي عندها نصيحة أو دعوة أو كلمة طيبة لا تتردد ...😍