زوجي رجع لخوياته القديمات

السلام عليكم ورحمة الله
بنات انا متزوجة ومبسوطة مع زوجي ومو مقصر معي بشي
لكن مشكلته انه شخص مو واضح وان فيه اشياء بحياته انا مدري عنها
اكتشفت ان له علاقات ببنات قبل الزواج وانتهت علاقته معهم كلهم مثل مايقول وبدأ معي بداية جديدة
لكن برضو فيه اشياء انا ماعرفها ومو قادر يواجهني فيها لأنه يخاف
وعشان تعرفون طبيعة علاقتنا
هو كويس معي وبالبيت نادر نتهاوش أحس ان مشاعري صادقة اتجاهه واحبه ويحبني
لكن قبل فترة جاه اشعار بتويتر من وحدة تقوله ضروري افتح الواتس ابيك بسالفة مهمة تخيلوا انا شفت ذا الإشعار
وكنت قاعدة قدامه مايدري اني شفت
وبعد ماخلص طقطقة ع جواله وانا عارفة انه يرد عليها
صرت أتقرب منه واتغزل فيه وكيف هو شي كبير بحياتي وكيف انا واثقة فيه واعطيته كل شي عندي
وهو يعطيني من ذاك الكلام اللي حفظته انتي محد مثلك انتي انتي انتي ولما حسيته دخل بالجو قلتله دقيقة رديت ع سالفة فلانة المهمة ؟ حليت مشكلتها؟
هو وجهه تغير وانصدممممم
قال مين فلانة ؟
قلتله شفيك؟ اللي تبيك بالواتس ضروري شلت همها
هو انلجم قعد يقنعني ان مابينهم شي ومدري كيف جابت رقمه وبلكها قدامي من كل مكان وقالي روحي انتي بنفسك كلميها ماتجيني
انا عصبت وهاوشت وخسارة الثقة فيك وو
قال انا ماابي اخسرك انتي كلميها بنفسك
رحت كلمتها وهو موجود قلتلها انتي ماتستحين ع وجهك تكلمين واحد مرتبط ؟ قعدت تضحك قالت ياحليلك انتي ماتدرين عن شي
انا وسوست بس سكت
قلتلها اسمعي يابنت الناس انا اكلمك الحين بكل احترام اذا تعرفين ايش هو الإحترام رقمه احذفيه واطلعي من حياته عشان مااخليك تندمين طول عمرك
قالتلي تطمني مابيننا شي وعادي صديق قديم وجيته لما طحت بمشكلة ولا احبه ولاشي خليه لك
وبس هذي هي المحادثة ..
رحتله قلتله ليش سويت كذا؟ قال انا غلطت عليك وابي ارجع ثقتك فيني بأي طريقة وانا اسف
وقعدت كم يوم مالي نفس اكلمه لين ماحسيت انه جد ندمان وقررت انسى اللي صار ورجعت نفس اول
وقال عشان ترتاحين بعطيك باسوورداتي تشوفين بنفسك مين يجي قلت طيب
وقتها كبر بعيني مرة وقلت شكله متحسف مرة
مر شهر عادي ورجعنا لحياتنا الطبيعية ومحد كان يجيه
بعد شهر تخيلوا ايش صار
قالي اسمعي ترا غيرت رمز تويتر جاتني وحدة قديمة واكيد بتكون بيننا محادثة مراح تعجبك وانا ماابيك تشوفينها
تخيلوا قالها لي كذا بصريح العبارة
وماعليك بكرشها وانتي محد مثلك
قلتله تستغفلني كذا بكل سهولة وتعترف ؟ ايش البجاحة اللي وصلت لها
قال انا مااستغفلتك انا اعلمك ان المحادثة مراح تعجبك
طبعا هو يحسب انه لو غير الرمز انا مراح اشوف الكلام
بس للأسف انه ماتغير بجوالي لأني مسجلة دخول بحسابه وشفت المحادثة يابنات ليتني ماشفتها احس بقلبي نار نار
تخيلوا هي تقوله بسمع صوتك اشتقتلك ودي انام جنبك تخيييييلوا اااااااااااه الغبنة
اخذت اغراضي ورحت ببيت اهلي قلت والله انا مالي جلسة مع ذا الإنسان
جاء ارسلي قال اطلعي من حسابي بالطيب ادري انك شفتي
تخيلوا هذا اللي هامه اطلع من حسابه
ماهمه ان بيتنا خرب واني رحت بيت اهلي ولا حتى فكر يراضيني
ويكلم البنت يقولها عندي وحدة ناشبتلي نشبة وصدعت براسي يقصدني طبعا لأنها ماتدري انه متزوج
المهم قالي اطلعي من حسابي قلتله بطلع من حياتك مو من حسابك بس ياجبان يامهووس
قال الله يستر عليك
انا قعدت ببيت اهلي بس ابكي من الغبنة وكيف كنت احبه وواثقة فيه واحسب اني مملية عينه طلع ممثل
والغبنة الأكبر يابنات
تخيلوا انا كنت ذيك الليلة سهرانة ع حسابه
كلم كل خوياته القديمات يسأل عنهم وينكم اشتقتلكم
والصدمة الأكبر انه مكلم البنت اللي انا كلمتها بنفسي ذيك اللي كرشتها طلع ماكرشها طلعت موجودة
بس متفق معها اني راح اجي اكلمها وهو قايلها سلكيلها وبسوي اني مبلكك لكنها عنده بالواتس
واشوفها بالمحادثة كاتبة لايكون تشوف كلامنا ماقدر اتابعك ابغاها تتطمن
قال لاوين طلعت من زمان واشوا انها طلعت
وتسولفله عن يومها ويقولها يوه قروشتك واجده انتي
ويقولها علمي صديقتك اللي بلكتها بالسالفة خليها ترجع تضيفني ..
لما شفت كلامه هذا قلت والله لاأطلع من حياته كلها ومالي رجعة مع انسان كذا
وطلعت من حاسبه وحذفت كل شي يتعلق فيه
وقلت لو جاني بقوله يطلقني
وينتهي كل شي بيننا انا استاهل شخص افضل لأني صادقة بمشاعري وهو كذاب ويمثل
مر اسبوع ماجاء ولا كلمني ولاشي وانا ماارسلتله ولا لي نفس اكلمه اصلا احس ماصار يعنيلي شي
ارسلي رسالة نصية ملخص كلامها
انا ندمان ع كل شي سويته انتي مكانك خالي وماتتعوضين لما رحتي حسيت بفراغ وكنت برجع اي احد يملي هذا الفراغ
لكن اكتشفت انك غير
انا ماابي اخسرك ويترجاني وقال انا كذاب كذاب ومااستاهلك ولاتستاهلين اللي سويته فيك
وادري شعورك اتجاهي تغير وادري انك مراح تحبيني نفس اول بس خليك معي يمكن اقدر اصلح غلطتي
اعطيني فرصة ثانية
الرسالة طويلة جدا لكن كلها ندم
بس انا ماصرت اميز بين صدقه وكذبه
زوجي ممثل محترف
مو قادرة اثق فيه من جديد وعرفت انه ماصار يشغل اهتمامي لما طلعت من حسابي وقلت خليه يشبع منهم اعز ماعلي كرامتي
وضغطت ع نفسي وقلبي ولا حتى عاتبت بس سكت واختفيت من حياته
والحين رجع
كل شي كان يهون الا انه متفق مع خويته علي للدرجة هذي كنت غبية ...
انا احس اني متشتتة ومدري ايش اسوي