حبيبتي امه اولى يتصل عليها ولا لك حق تزعلين 

ياقلبي هم يرفعون الضغط انا معك الله يسخرهم لنا
بس تعرفين واحد جاي من سفر ومكروف من غير قلق وازعاج الطيارة والرجعه من المطار وتلاقيه تعبان وتافل العافيه يعنى ارحميه واكسبي راحة مخك بعدين احس حيل هامك العشا ومسويته سالفه عاادى ياما مرت ايام وجعنا وتبهدلنا وصبرنا عادى من اول ماكلمتيه وانتى العشا العشا العشا العشا وكلم امه وماسال عنى امه شئ طبيعي بيكلمها اول وحده كان خليتى اليوم هادئ وعاتبتيه من بكره ايش المشكله

البنات كفوا ووفوا
أسلوبك الله يهديك غلط في غلط حتى لوقال أبي أكل مطعم كان قلتي أوكي على راحتك وجهزتي حلا وفطاير وأنتي في
بيت أهلك ماراح يضرك بالعكس راح يكبرك في عينه ويفرحه ويقربكم من بعض
ومايضر لو جهزتي عشا صينية مكرونة بشاميل أو مسقعة أوأي شي
ويوم قالك مشتاق لبنته كان قلتي وهي بتنهبل تبي تشوفك إذا جيت إن شاء الله سلم عليها حتى لو نايمة
وكان جهزتي حمامه وملابسه وأوراقك لاحقة عليها المفروض طبعتيها قبل
وهو يوم قالك مشتاق لبنته يمكن يقصد مشتاق لك بعد بس مستحي أو كبريائه كرجل تربى أنه هذا ينقص
من قدره خلاه مايقدر يقول لك بطريقة مباشرة
يمكن كان يبيك تقولين وانا ما أشتقت لي بس أنتي الله يهديك إنتفختي وزعلتي
والمفروض يوم قال مابي آكل من أكل مطاعم وهذا شي أكيد جاي من السفر يبي أكل بيت ومن إيدك أكيد
كان قلتي خلاص روح تحمم وأنا اجهز لك الأكل برسم الخدمة وطبختي له حبة هالمكرونة
والحمدلله أجل لو كان طالب منك أشكال وألوان وش سويتي ؟؟!!!لاو تبينه يضف المطبخ؟؟!!
وهو جاي من سفر تعبان ولا لقى زوجة تستقبله بوجه بشوش
وراح يطبخ عشاه بنفسه وبعد تبينه يضف المطبخ !!!؟؟؟؟
والله إنك إنسانة غريبة !!!ويبي لك تراجعين اسلوبك يا أختي ترا أنا شديت بالكلام عشان لايجي يوم تتحسفين
وماعاد ينفعك ندم ولا حسوفة
ثم نجي إتصاله بأمه ؟؟؟!!
المفروض أنتي تحرصينه أو تذكرينه أو تسألينه هاه عساك كلمت أمك وطمنتها
ولا لك حق أبد أبد أبد تزعلين أنه يفكر بأمه بل بالعكس لزوم تفرحين لأنه اللي مافيه خير لأهله مافيه خير لغيرهم
ثم هو بيجي عندك البيت وأنت حاسدة امه على مكالمة من ولدها ومتكاثرتها عليها!!!؟؟؟
سبحان الله حطي نفسك مكان أمه وتعرفين هل المكالمة ما تعتبر شي قدام حق أمه عليه بالأضافة
جالسة تبررين امه ماتهتم له وش دراك انتي دخلتي في قلبها ؟؟!!!
ثم هو اللي مطلوب منه يداريها مو هي اللي تداريه هي خلاص حملت وولدت وربت
وجاء دورها تحس بحنان ولدها وحرصه عليها تراها أمه لو لاقدر الله صار له شي
ماراح يعوضها عنه كنوز الدنيا وأنتي عقب العدة تنخطبين وتتزوجين وتنسينه خلينا واقعيين
الله يهدينا وياكم يارب

الله يهديك لا تزعلين انتي مكبرة الموضوع

وش فيها اذا اتصل ع أمه يسلم عليها ؟؟؟؟



استغفر. الله كنه متصل ع ام الجيران يبلغها بوصوله حسستيني ان أمه إنسانه غريبه. 


ثانيا..ما فيها شي اذا اشتاق لبنته أنا زوجي دائم يسأل عن بنته احمدي الله ع هذي النعمه


ثالثا..يمكن هو حب يسوي جو معك وتطبخون العشاء مع بعض



بس انتي بسبب انشغالك عنه ف الاوراق. كسرتي خاطره

وضيقتي صدره تدرين زوجك مسكين


اجل يكون راجع من السفر وتروحين تطبعين الاوراق ؟؟؟؟



واخيرآليش ماكلتي معه لو لقمتين ؟؟

والله من حقه يزعل يأختي أحسك تبين تحركين زوجك ع مزااجك


واخيرا أتمنى ماتزعلين مني تصل  ف النهايه  هذي وجهة نظر 


لك القبول او الرفض 


ماك تبت إذ الشي الا لآني مجربه وماره ببعض ماصار لك

شكل الدوره بتجيك او الااسبوع اللي قبلها النفسيه تصير مو ذاك الزود
ثاني شي ليش ماطبعتي الااوراق قبل بوقت كذا يعني تقولين جيتي للبيت الساعه 8 وهو 11 يوصل
يعني باقي لك كم ساعه يمديك تصلحين فيها اشيئاء
بعد انتي يااختي اخطيتي انه يوم جيته واسقباله رحتي طبعتي الااوراق كان كملتيهم يوم نام وكذا او قبل اول ماجيتي
للبيت اذا كانت ضاروريه
ثاني شيء خلاص لاتسالين الرجال عن العشاء كان صلحتي خفايف سندوتشات او معكرونه وبس بدون مشاوره مايحتاج رجل وجاي من السفر اكيد يبغى اكل يمكن متوقع انه بدون ماينسال راح يجد سفره اكل واستقبال له
حكايه اتصاله على امه هذي خلاص الرجال كذا يتصلون على امهم اكيد قبل تعودي على كذا ولا تكبرين الموضوع وانتي ليش تبدين بزوجك قبل امك لا علمي امك بعدين زوجك الرجال ماتهمهم الاامور مو زي تفكيرنا واسلوبنا
ويوم يقول اشتقت البنتي يعني اشتقتلك انتي الرجال اذا حب اولاده حب زوجته معناها ويمكن انتي كلمتيه
بااسلوب عادي يعني ويوم قلتي ليش نومتيها حلو ردك بس كان قلتي عشان نجلس سواء مشتاقتلك والله
ويوم جاء يصلح اكل كان جيتي صلحتيها بداله وجهزتي ملابسه اساسا وقولي تغسل وخلص عبال ماتخلص الااكل
كلها قدر كاتم وينتهي الاامر
وسالفه عمليات التجميل ماحسيت من كلامك جت كذا لو هو رايح برا كان قلت شايف له وحده بس حايل
هي جت كذا بس حط حرته بوجهك عشانك غسلتيه وكذا وخصوصا انه ماصلحتي عشاء ورحتى تطبعين
ووو تقولين قابلتيه ببرود وكذا عشان كذا قالها
وجاء لك وطبخ لاانك ماطبختي خلاص اطبخي من دون كلام وخفايف حتى لو مااكل مايروح تعبك على الفاضي
ولا كملتيها رحتى سحبتي عليه ونمتي مو كذا يااختي خصوصا انه جاي من سفر
بس اتوقع نفسيتك مو ذاك الزود تعبانه او ماتوقعتي كذا - خلاص مشي السالفه واذا روقتوا كلميه بالموضوع
واللي مضايقك فيه لاتصير حياتك مشاكل وصلحي اكل له وجهزي ملابسه ونفسك البسي
وعطري كل شي وعوضي اللي فات وصار
ادري كلامي مو عاجبك ويمكن ضغطت عليك بس عشان مصلحتك
ومااقول انه مااخطى لا اخطى بااسلوبها وكلامه عليك الله يسخرلك زوجك وهو لك يارب ويخليلك البنوته
يارب واسفه اذا زعلتك انتي طلبتي اراء وجهت نظر فقط