زوجي رماني عند أهلي

أنا صار لي اسبوع عند أهلي زوجي حطني عندهم من الخميس اللي فات و خلاني ليوم السبت لأني حامل وتعبانه
و السبت دق عليه اذان العشاء قالي اتجهزي بمرك
قلت له طيب
أنا عندي بنتين وحامل في الشهر السابع
يادوب لبست الكبيره وقاعده البس الصغيره الاهو يضرب بوري من برا عشان اطلع
و دق الجوال قالي اطلعي بس بنفس خايسه و عرفت انه ناوي هواش و مشكله
لبست بسرعه اخذت ثلاث دقايق ع ماطلعت وركبت بناتي وركبت
الاهو ينافخ ع البنات وعليه و سلمت رد على سلامي بستهزاء
ما قلت شي سكت انا و كان ما صار شي
قعدت اساله كيفه وكذا الاهو قفل الشباك و رفع صوته وقعد يهاوش ويصارخ من متى انا داق عليك قلت له من اربع دقايق وانا قسمآ بالله صادقه
قالي انا دقيت عليك من المكان الفلاني مكان بعيد عن بيتنا
بس هو مو صادق قلت له بالله قالي انتي ملعونة والدين
وكذا يسب ويلعن قلت له قعدت البس بناتك واللملم اغراضي
هو دوبه حرك من عند بيت اهلي قالي تنافخين ورجعني عند باب اهلي قالي انزلي انقلعي المهم انا حاولت اهديه
مافيه فايده ونزلت و نزلت بناتي ما قال شي ع البنات
وانا خفت يمسكهم بس الحمدلله ربي ستر
ونزلت قالي خلي ابوك يجيبك
وراإااإح
و اليوم الثاني قعد يتصل ما رديت لان أهلي زعلو من
حركته وقالو مهما صار ماتوصل لانه يرميك كذا
وينزلك انتي وبناتك
بس هو مستوطينا لانه كذا مره يسوي حركات تهيننيي
ويتكلم في اهلي وابوي وخيلاني واخواني
ولاهمه احد كل ما قعدنا فتره جا عند بيت اهلي
يسوي لهم مشكله ويذلف
مره جا بدون ما يدق عليه وكنا انا وامي واخواتي عند
زوجة اخوي ساكنه جنب بيت اهلي في حوش واحد
الباب في الباب وهو ماعمره قالي استاذني قبل تروحين لاخوك لان بيته مع اهلي في حوشهم
وجا و دق الجرس وخرج له اخوي ما يدري عنا وين رحنا
اخوي الصغير قاله قول لاختك تطلع
قاله مافيه احد في البيت
وسوا لنا مصيبه وحنا يا غافلين لك الله
تكلم ع اخوي و سبني قدامه وراح
بعدها كلمني قالي وينك وصلت للبيت وطلع لي اخوك
يقول منتي بالبيت بس بهواش وصياح وقلة حيا
هديته وخليت اخوي الكبير يكلمه و مشى الحال
وع كذا كل فتره يسوي لنا مصيبه
الحين اهلي يقولون ما راح نرجعك له بسهوله لو يموت
الا يجيب ابوه
وانا معاهم وموافقه ع كلامهم
بس اهلي بيسافرون جده وانا معاهم وخايفه
من زوجي
اليوم جاب اغراض لبناته شبسات وعصيرات وكذا
وحولي الف وخمس ميه ع حسابي
وراح
لما كان يتصل وما ارد ثاني يوم وثالث يوم كان يرسل
ع الواتس يهددني انه ما عاد بيننا شي غير بناتنا
وانه بيجيب اغراضي وانه تحملني كثير
وانه بيتركني عند اهلي للولاده وبعدها نشوف لنا حل
ولما شافني ما رديت صار يرسل رسايل شوق وحب
بس ما ارد عليه
ادعولي ان ربي يهديه و يسخره لي ولبناته
و يرده لنا ردآ جميلا