زوجي زعــــــــــــــــــــــــــــ ــــــول وش الحل

السلام عليكم ورحمةالله وبركاته

تحية عطرة

مشكلتي مثل ماهو بالعنوان زوجي زعول كل حاجة تزعله صراحة نكد دايم متنكده كل مامر شوي الاجاب سبب تافه زعلان منه واكثر شي انتي قلتي ماقلتي

لاتقولون لاتزعلينه انا حريصة على ذلك ويعلم الله بس هو يزعل على كل حاجة واحيانا يبرر اقوالي بالغلط

والاحظ زادت الحالة من رمضان هذا وطبعا حوارنا احنا برسايل الجوال واحيانا يوجه لي اسئلة بايخة شبيهه بالتحقيق وش قصدك بكلمتك هذي ردي

من الامثلة على زعله مرة جالسة اسولف وبعفوية جى طاري الطبخ والماجي وهو مايأيد الماجي والدهون في الاكل قلت المطاعم تحط ماجي واقوله اني اقول في نفسي اكيد انك تقول ياحلو اكل المطاعم قال انتي تدرين اني مااحب المطاعم قلت بس اكيد انك تقول يازين الطعم وهذا سواليف وليس على صيغة سؤال فزعل وقام ولمى لحقته وسألته قال ليش تكذبين علي وتقولين لي اني احب اكل المطاعم وانا ماقلته وهو زعلان بجد

صراحة في نظري هذا شي تافه ولايستحق الزعل عليه

وامثاله كثير وش الحل هو يزعل والرسايل تبدي تشتغل اكثرها من طرفي تارة احاول افهم وتارة احاول اقنعه واصحح فهمه واحيانا ازعل انا ليش الزعل

صراحة ادارية ومترقبة في اي لحظة يزعل يعني لست في امان من زعله اي شي لوكان مسرور بينكد عليه ولو كان راضي علي بالمرة يجي شي تافه ينسيه كل الرضى ليس وقت الزعل فقط لكن مابعد تلك الزعلة


والمشكلة انه يقول مليت من هالعيشة ويسميني ام النكد هذا الي قاهرني والله لاتقولون فتشي عن نفسك الله لايبلاكم زعله توافه


وش الحل مليت من الرسايل واقناعه؟
والمشكله انه مايعترف انه غلطان
وانا اعرفه زين ومتأكدة انه موطبيعي اما حالة نفسية بدايتها اوصار معقد اومدري وش اقول